Bhíodh muid ag déanamh feadógaí de'n dos mór nuair a bhíodh muid ag fosaidheacht fadó. D'fheicfeá 'chuile ghasúr ar an mbaile agus ceann aca aige. Bhíodh na sean-daoine a bhíodh ann an uair sin le buile chuthach. Ní bhíodh gnaoi ar bith aca ar an obair sin. Is minic a thug duine aca dúdóig ar an gcluais dom. Deiridís go dtarraingeóchadh an fheadghail sin báisteach! Is fada go bhfeicfeá aon-duine dhá rádh anois

Níl teach ar bith roimhe seo, nach mbíodh creangadán annsin ann ar thaobh na teine, le éadach a chrochadh air. De'n dos mór a ghnídís é. A thabhairt isteach agus é a thriomú nó go stáluigheadh sé. Bheadh sé sin an uair sin cho roighin le gad. Ní fheicfeá aon-teach in do shiubhal ionnsaidhe nach mbeadh ceann ann. Tá agus fós is chuile cheann de na sean-tighthe, ach níl siad 'sna tighthe nuadha. Ach níl tada 'sna tighthe nuadha. Tá na crasógaí Bríde fhéin caithte in aer aca. B'fhoghainteach iad na creangadáin dar mo choinsias, ach tá daoine ro-leitheadach, ro-ghalánta anois le bacadh le rudaí de'n tsórt sin

Dhá bhfeictheá na putachaí sin ag A. indiu, ag caitheamh liodáin le chéile, thíos ingarrdha na C. Tá dhá dhos mhóra thíos le claidhe ann, agus chuaidh duine aca is 'chaon cheann, agus níor fhága siad liodán thuas ar a gcorp nachar thug siad abhaile leo. Bhí bean an phóilí ag dul siar an bóthar ag spaisteóireacht di féin, agus chaith siad foracún aca léithe freisin

An gcluin tú! Éist! Na píopaí! Sin é an dos mór anois agad!

Tá píopaí ag an "ngaedhilgeoir" atá thiar tigh Sh. Chloisfeá an dos mór 'chuile oíche annseo agus é dhá gcasadh thiar ar an teallach

Sin é an chóir a mbíonn sé sin ó mhaidin go faoithin ina dhos mór mar sin. Ná tabhair áird ar bith air. Fág ag caint leis fhéin é