Mara mbí aon-rath ar an aonach seo amach romhat anois, beidh na daoine buailte ar fad.

B'fhearr dhuit go fada ag bualadh cloch ar do cheirteachaí nó ag imtheacht indiaidh do chinn romhat, ná faoi mheirse ag leas-mháthair.

Mara mbuailtear an balla sin dheamhan an mbeidh sé díonmhar go bráth. 'Séard a bhí agad a dhéanamh anois, cupla mála aoil a cheannacht agus láthair mhuirtéil a dhéanamh, agus an áit sin a bhualadh, shul a chuirfeas tú beithidheach ar bith isteach ann. Ní bheidh sé romhat aríst

Mara bhfuil a dhul uaidh agad, buail faoi ar an bpuinte agus bíodh sé dhíot, cho luath in Éirinn agus a fhéadfas tú. Níl maith ar bith duit a dhul 'un drugaill ná a bheith idir dhá chomhairle, má's rud é atá romhat.