Níor íoc sé aon phínn cíosa le dhá bhliain.

Tiocfaidh éileamh ar airgead an tí sa gcéad dol eile cíosa a bheas le n-íoc agat. Ná bíodh faitíos ort go bhfailleoidh siad siúd ina ngnaithe. Ní fhailleoidh muis. Má bhíonn dearmad ar bith orthu, ní dearmad uathu é ar aon chor

Drochdhíolaí ceart é. Níor íoc sé aon cheo ariamh go gcinneadh air. Nuair a bhíodh muid ag tabhairt cíosa don L. fadó, ní fhaca an lá cairde ariamh ach salach é. Dhá mbeadh sé ag plé le aon mháistir eile sa tír bheadh scéal aige air. Ní fhágfaí sa tseilbh chor ar bith é

Is beag an dúnáras a bheas air deirimse leat ag leagan a bhurla nótaí isteach thíos sa mbainc. 'Sé an cainteoir é ansin. Agus mura bhfuil teanga bhlasta Bhéarla aige castar leis é. Bhí mé ag éisteacht leis lá a raibh mé ag íoc cíosa ann. Is fada go raibh a fhios agam gurb é a bhí ann chor ar bith. Uair annamh a chloisfeá a ghlór anseo