Bhí sé 'guairdeall thart ar an aonach indiu, ag iarraidh an scubaidín is inghean dó a bhualadh thall ar dhuine eicínt, ach ní mór dó, cuid mhaith nótaí a chuir in a h-aice, sul a nglaca aonduine í.

'Sé atá indon an t-am a chuir isteach. Ag obair leis 'réir nótaí (nútaí deirtear; féach nótaí)

Dá leithe dhá bhfuil nótaí puint agam, ní mór dom iad uilig = dhá fhairsinge dá bhfuil agam, gheobha mé gnaithe do chuile cheann acu.

Thug sé búrla nútaí (nótaí) do'n Gh. "Roinn amach iad sin ar na fir sin" adeir sé, agus isteach leis féin 'sa teach. Fuair 'chaon duine aghainn dhá raibh ann punt an duine hé brí cé mhéad a d'fhan ag an G. in a dhiaidh sin. Bí siúráilte nach hé cuid an bheagáin é. An Té a chruthuigh Neamh agus Talamh níor fhága Sé É Féin ar deireadh, adeir siad

Tá ciall gnaoidheamhlacht ach ní gnaoidheamhlacht ar bith a ghníos sé sin ach drabhlás: ag caitheamh nútaí (nótaí) puint i dtraipisí mar a d'fheicfeá gasúr ag caitheamh miarógaí (méarógaí) le éanachaí. Sín í a cheird

Is beag an dúnárus a bhéas air deirimse leat ag leagan a bhúrla nútaí (nótaí) isteach thíos ins an mbeainc. 'Sé an cainteoir é annsin. Agus mara bhfuil teanga bhlasta Bhéarla aige castar leis é. Bhí mé ag éisteacht leis lá a raibh mé ag íoc cíosa ann. Is fada go rabh a fhios agam gurb é a bhí ann chor ar bith. Uair annamh a chloisfeá a ghlór annseo.