Bhí sé ag guairdeall thart ar an aonach inniu ag iarraidh an scubaidín is iníon dó a bhualadh thall ar dhuine eicínt, ach ní mór dó cuid mhaith nótaí a chur ina haice sula nglaca aon duine í

Tharraing sé aníos burla nótaí a bhí lioctha ar a chéile thíos ina phóca aige.

'Sé atá in ann an t-am a chur isteach. Ag obair leis de réir nótaí (nútaí deirtear; fc. nótaí)

Dá léithe dhá bhfuil nótaí puint agam, ní mór dom iad uilig — dhá fhairsinge dá bhfuil agam, gheobhaidh mé gnaithe do chuile cheann acu

Thug sé burla nótaí don Gh. 'Roinn amach iad sin ar na fir sin,' adeir sé, agus isteach leis féin sa teach. Fuair chaon duine againn dhá raibh ann punt an duine, hé brí cé mhéad a d'fhan ag an G. ina dhiaidh sin. Bí siúráilte nach é cuid an bheagáin é. An té a chruthaigh neamh agus talamh, níor fhága sé é féin ar deireadh, adeir siad

Tá deis aige le fags a dhéanamh as na nótaí sin: cineál meaisín beag. Mar sin, ná caith uait na nótaí sin feasta. Fónfaidh siad

Tá ciall gnaíúlacht, ach ní gnaíúlacht ar bith a ghníos sé sin ach drabhlás: ag caitheamh nótaí puint i dtraipisí mar a d'fheicfeá gasúr ag caitheamh méarógaí le éanachaí. Sín í a cheird

Is beag an dúnáras a bheas air deirimse leat ag leagan a bhurla nótaí isteach thíos sa mbainc. 'Sé an cainteoir é ansin. Agus mura bhfuil teanga bhlasta Bhéarla aige castar leis é. Bhí mé ag éisteacht leis lá a raibh mé ag íoc cíosa ann. Is fada go raibh a fhios agam gurb é a bhí ann chor ar bith. Uair annamh a chloisfeá a ghlór anseo