Ní beag dhó chomh coitianta agus a bhíos sé ag ól. Dheamhan a fhios agam beirthe ná beo cén chaoi a seasann an t-airgead dhó chor ar bith.

'Sé an rud is luath (luar) liom beo, duine a iarraidh orm a dhul i mbannaí air faoi airgead. Ní bheadh a fhios agat nach thú fhéin a chaithfeadh díol (íoc) a dhéanamh i ndeireadh na cúise.

Cén mhaith dhi a cuid airgid anois. Ní dhéanfaidh sé beo aríst í.

Bídís buíoch don seanathair agus dhá chuid airgid nó is beo bocht a bheidís lena saol.

Níl a fhios agam beirthe ná beo cén chaoi a ndéanann na daoine airgead amach do chuile rud dhá dtagann trasna orthub agus a laghad slí agus atá acub.

Is olc an ceart é go bhféadfaidh fear airgid a theacht agus an abhainn sin a thógáil le haghaidh 'dolaíocht' agus gan comhaireamh na sop le fáil ag an dream atá tórainneach léithe. Ach tuilleadh diabhail againn! Nuair a roinneadh an talamh ní raibh mac an aoin bheo ar an dúiche nár shaighneáil an abhainn don bhoc mhór seo thiar. Sin é a d'fhága aisti ó shin iad. Ach cén mhaith ag caint! Cén fios a bhí ag na daoine!

Ba mhór é a gcuid airgid tamall ach chuir an drabhlás agus an díth céille ag caitheamh na miotán iad. Sílim nach bhfuil mac an aoin bheo acu sa gcomhaireamh ceann inniu. Ag S. Ó C. atá an áit anois

Deir siad, théis chomh scanraithe agus a bhí sé ag airgead, gur chaith sé a chuid le déirce ina dhiaidh sin. 'Sé a choinnigh na F. M. siúd beo ariamh, ach nár chuala deoraí an bhéil bheo uaidh é