Is diabhaltaí an tóir atá ag an éasc beo ortsa tharas aon duine. Níl de leathrann agat ó mhaidin go faoithin ach éasc beo. Ó tharla nach bhfuil aon dochar ann, tuige a mbíonn tú ag bodhrú na ndaoine ag caint air! Nach thú an seanpháiste againn!

Ag an diabhal go raibh sé agat nach ndéanann é feasta, agus gan na daoine a bheith bodhraithe níos faide agat faoi!

Ní airím tada thíos san áit a bhfuil an lot anois. Tá an phian bodhraithe uileag ann. Ach tá drithlíní an tsaoil mhóir thuas anseo in mo cheathrú agus suas in mo thaobh

Dócúil air agat! Caith in aer é feasta agus ná bíodh muid bodhraithe aige níos faide

Nach breá nach ndúnfá do chaiseal agus gan a bheith ag bodhrú na ndaoine le do chuid clabaireachta