Na trí obair is deacra: iomramh in aghaidh srutha (iomramh éigin), bolg folamh in aghaidh cnoic (coiscéimeacha fada in aghaidh cnoic), agus tomhais na talúna ina dhornaí

'Sí an tseachtain is deacra a chur isteach í a chonaic mé ariamh

Tá an fód boird ina dhiabhal le iontú. Tá sreangannaí an diabhail ann. 'Sé an garraí is deacra a chonaic mé go hiomaí é

Mo chreach mhaidne, tá a bhfuil sa teach ansiúd chomh danra le chéile faoi bhuille ar bith oibre a dhéanamh: dar leat féin gur ag comórtas le chéile a bheidís, go bhfeicidís cén duine acu ba deacra a chur amach ag a chuid oibre. Gróigfidh fear acu é féin ar an teallach agus déanfaidh fear eile agus fear eile an cleas céanna, nó nach mbeidh áit ag míoltóig ina ngaire. Níl go dona ann ach an díthreabhach bocht is athair dóibh atá amuigh moch deireanach ag saothrú. Sin é an díol trua ar chaoi ar bith

Is deacra é a rómhar ná an bóthar sin ansin