Ag dul chun deacracht atá na boird léar (de réir) mar a theannfas tú le claise an tsrutha

Ag dul chun deacracht atá an barr seo léar mar atá mé ag dul suas air

Shíl mé nach raibh an oiread sin deacrachta sa gcúl sin. Tá sé ag cinnt ort an láí a chur thríd chor ar bith

Diabhal mé go bhfuil an chlais ghainimh siúd gan deacracht ar bith. Níl ort ach iarraidh den phiocóid a thabhairt di agus titfidh brúisc agat

Is mó an deacracht an easca ná soir ar an gcruatan déarfainn (talamh crua). Ní fhéadfadh an easca sin gan a bheith deacair. Nach bhfuil sí ina bogeimhin

Is mó an deacracht an talamh anuas anseo ar an mínleach ná an talamh riascach sin i mbarr an bhaile, ach ní thugtar aon saothrú ar bharr an bhaile nuair a théitear dhá shaothrú féin. Ba cheart é sin a lagan le aol agus le gaineamh gorm agus le dóib agus le chuile rud mar sin, shula chuirfí rud ar bith ann

Is lú an deacracht é i mbliana ná uair ar bith dhár cuireadh é le mo linnse, ach bhíodh sé ina chraiceann i gcónaí go dtí an turn seo

Dá dheacracht é muis, sháraigh mo chuidse é

Nach beag an deacracht a bhí ormsa a dhéanamh, agus is lú ceird mé ná thusa

Gabhfaidh sé isteach gan deacracht ar bith ach an eanga sin a choinneáil síos sa scoilteadh

Tá deacracht ar churach a chur isteach ann ar chaoi ar bith. 'Sé díol an diabhail é le mulláin, agus mulláin chontúirteach

Ag dul chun deacracht a bheas sé an mhóin a thriomú lá ar bith feasta. Tá sé buille deireanach sa mbliain