Foclóir Mháirtín Uí Chadhain
aire

aois (50+)

 
fios
Ní thiúrfadh sé fios a aoise d'aonduine = cén aois é
+
Tá an bhó sin foirghe leis an aois = níl aon-mhaith inte le aois
TUILLEADH (1) ▼
Chonnaic mé sean-fhear ann, a bhí foirghe leis an aois, agus má bhí fhéin, ba é a bhí coilgneach. Dheamhan mórán araoid ar bith a chuaigh air, nuair ba mhian leis maide a chur in u (ar) mbéal
 
Sin í a bhfuil an fhreagraíocht treasna aice! Go deimhin is maith an t-ábhar í dhá haois!
+
Tá na súile an-fhreochanta aige bail ó Dhia air. Ní fhaca mé aon-pháiste ariamh in a aois is freochanta a bhfuil siad aige ná é
TUILLEADH (2) ▼
Cén aois an stuimpín sin? Sé bliana? Sí atá freochanta a mh'anam. Níl a dhath coimhighis uirre a thiacht isteach annseo. Dheamhan é muis
Tá sean-T. sách freochanta fós, th'éis an aois atá aige. Ní theigheann duine ar bith thart i ngan-fhios dó. Ach níl grinneadas ar bith fanta ann in a dheidh sin
 
Nach coimhightheach a' sórt duine é, nach dtiocfadh i láthair comhluadair. Feicfe tú gurb é an chaoi a mbeidh sé, nuair a thiocfas tuille dhá aois, ar a' gcaoi chéadna a raibh an t-athair. Ní hé a mhalrait de chosamhlacht atá air!
 
Is áidhbhéil a' coinicéar caillighe a dhéanfas sí, ach a dtaga aois di. Nach n-aithneochthá uirre cheana é!
+
Nach diabhaltaidhe an aois atá sé 'fhaghail! Tá sé corradh ar dheich mbliadhna is cheithre fichid anois, a's dheamhan a dhath mairg fós air, cé's moite dhá amharc.
TUILLEADH (1) ▼
Cráin-fhear láidir é, corradh ar leath-chéad bliadhain d'aois, a's é glan-bhearrtha.
 
Is mór atá cosamhlacht na h-aoise a' teacht air.
 
Sa múnla céadna — in a chíosáinín mar sin — a fheicea(nn)s muide é ó rugadh muid. M'anam gur cheart dó bun-aois mhaith fhéin a bheith aige anois.
 
Shíl mé gur cheal bealtha a bhí air, ach indeir (indar) liom fhéin nach h-eadh anois, arae tá aois na h-Úire a's na Caillighe Béara aige. Is mór a chruthaigh sé a's seasamh, an fhad, chor a' bith.
 
Putaichín cuisneach é in' aois.
+
beo 1
Ní beo é an diabhlánach céadna, mara mbeidh sé a' déanamh míllteanais eicínt, hébrí cé'n smál atá air, fharras duine 'bith dhá aois ar a' mbaile.
TUILLEADH (3) ▼
Is maith an mhaise dhó é, a bheith beo, beithidheach fós, a's an aois atá aige.
Tá sé beo beithidheach fós, aindeoin gur comh-aois é fhéin a's Páidín se'aghainne 'ndéana Dia grásta air.
'Sé atá beo, sciobtha, th'éis an aois atá aige.
 
bocht 2
Tá sé a' deanamh aois díobhchaill ar fad anois, ach b'fhurast 'aithinte ó thosuigh sé chor a' bith, gurb shin é an bhail a bheadh air: 'ó theighea(nn)s bocht go nocht, is mian leis a dhul go gabhail éadain'.
 
Bollstaic é. Choill mé é, in aois a bhliadhna, mar bhí mé a' ceapadh nach ughdar maith tairbh a bhí ann.
 
borr
Is olc a' rud borradh an éin gé mar sin a bheith faoi pháiste roimh 'aois.
 
Is dalbuidhe an brísteachán fir é in 'aois. Má thagann mórán eile méid ann, beidh sé chomh mór le Goll Mac Móirne.
 
Níl lá aois' a' teacht air. 'Sé 'tá ina bhrighthín óg i gcomhnuidhe.
 
'Sí atá sean-bheo fós, aindeoin go bhfuil aois mhór aice.
+
aibí
Bhí sé chomh h-aibidh in aois a dhá bhliadhain déag, le sean-fhear ceithre fichead bliadhain.
TUILLEADH (2) ▼
Tá sé ró-aibidh ar fad dhá aois = ro-shean-órdha
Ní raibh lá forfháis ariamh ar pháiste a bheadh aibidh roimhe 'aois = ní dhearna páiste sean-órdha aon-fhorfás (aon-dul chun cinn, aon-mhaith) ariamh. (ní bhaintear aon-leas as an bhfocal mar seo ach mar aidiacht).
 
Th'éis a bhfuil de bhruth-shléacht air, is mór atá an aois a' tuitim air = th'éis go bhfuil 'chuile shórt ar fheabhas aige — togha bidh a's rud le cailleadh leis fhéin — tá cuma na h-aoise a' teacht air.
+
buille
Ó thiocfas duine aois a' phinsean anois, is beag an buille sa mbéim a fhana(nn)s ann uaidh sin amach.
TUILLEADH (1) ▼
An buille fhéin, ní dhearna sé le mí anuas, ach ag imtheacht ar ragairne, a's a' déanamh aois díobhaill i gcaith(eamh) na h-oidhche ar fud na tíre.
 
Ba bhreagh an buinneán gotha a bhí aige, tamall, ach tá'n aois anois air.
 
Is áidhbhéil an aois atá aige = tá sé an-tsean; tá sé aois mhór.
 
ainm
Tá'n péire in ainm's a bheith comh-aois, ach tá maith mhór ag gamhain Phádraic ar ghamhain Sheáin.
 
aire
Is mór is fiú fear a thiubhras aire dhá ghnaithe fharrus réic a bhío(nn)s i gcomhnuidhe déanamh aois' díofaill (féach aois) ag imtheacht ag ól agus a' caitheamh.
 
Nach bainte-amach a(gh)ainn atá sé — ag iarraidh a dhul ag damh(n)saí in 'aois.
+
airde 2
Bhí sí aoirde Shiúbháin in aois a trí bliadhna déag, slán a' tsamhail ag Siubhán é!
TUILLEADH (1) ▼
Bhí sé in m'aoirde-sa in aois a cheithre bliadhna déag, slán a' tsamhail agamsa é.
 
anam
Ba chóra dhó go mór a bheith 'déana(mh) anama, a's an aois atá aige, ná amuigh ag obair.
 
Tá sé 'tabhairt anuas, uiliog, le tamall, agus má tá fhéin, nach suarach a' t-iongnadh é, agus an aois atá aige.
 
feoil
Sé do bheatha! Sé do bheatha! Sé an síol nua thú a fheiceál. Ní raibh tú againn cheana lena cianta. Foighid ort! Seo cathaoir duit agus tá tú féin indon feóil a chur uirre bail ó Dhia ort. Níor tháinig aois ná aimsir ort ó a chonnaic muid go deireannach thú. Diabhal é muis
 
Is fada fiannach a chaith sé ag múineadh scoile annseo thíos. Ní feasach duit céard is cor dó chor ar bith anois, nó an maireann sé? Má mhaireann, is maith an aois atá aige
 
fraigh
Meastú nach bean í sin atá gaibhte sna fraghachaí. Marach gurb ea, ba bheag an baol uirre a dhul ag tabhairt chomhlódair don sean-druinníneach sin atá a trí haois
 
Chonnaic mé iomán a marbhaíodh amuigh ag Abhainn na Samhlachán annsin amuigh an bhliain cheana, agus an flith-ghob a bhí air, bhí sé ag breith scair ar a bhéal íochtair, bhí sé cho cúbha sin. Bhí sé san an-mhéid críochnaithe. Ní fhéadfadh sé gan aois chothrom a bheith aige!
 
fuagra
Fuair sé fuagra faoin bpinsean le goirid. Dúradh leis dhá bhfaghadh sé beirt i bhfiainise go raibh sé in aois, go bhfaigheadh sé ar an bpuinnte é
 
Ar eirigh fátall ar bith lib? Is olc na foghlaeraí sib. Is fhearr an láimh atá agam fhéin ar ghunna fós, ná agaibh, th'éis an aois atá agam
 
Bhí an oiread aois aige sin nuair a cailleadh é agus go raibh sé ag fíniú le fiche bliain roimh ré. M'anam go raibh sé an céad go hárd. Bhí agus trí nó ceathair de bhlianta len a chois
+
imigh
Ní imtheocha sé sin go mbeidh aois chapall na muinntire aige = ní bhfaighe sé bás go mbí sé in a Dhiabhal le aois
TUILLEADH (1) ▼
Dhá bhfáightheá aois na h-Úire agus na Caillighe Béara creid mé dhuit ann, nach bhfeicfe tú tada ag imtheacht cneasta go bráth = dá bhfaighteá an-aois fhéin, beidh mió-chneastacht agus cneamhaireacht agus slíomadóireacht ann i gcomhnuidhe.
 
farc
Is breá an drisiúr é sin fós agus an aois atá aige. Dheamhan a bhfuil ag breathnú farcha dhe. Bhí buaineadas san adhmad sin. Fadó a gheobhthá an ball ar fónamh