Má's éan cuideáin é, beidh coimhightheas air, go cheann cupla lá = má's éan é a tháinic ar imirce ó ál nó ó theach eile, beidh scáth a's drugal air, aon-teanntás a dhéanamh go ceann cupla lá.

Ná bíodh coimhightheas ná cuthaileadas ort annseo, ach ith suas do dhóthain.

Is diadhachta dhó coimhightheas a bheith air anois. Tá sé in am aige a bheith taithighthe ar a' mbaile seo feasta.

Bheadh an oiread céadna coimhighthis orm a dhul 'un cainnte leis, a's bheadh orm leis a' té nach bhfaca mé ariamh.

Bheadh coimhightheas orm a dhul 'na ghoire, ingeall ar a' droch-thinneas a bhí sa teach = drugal, doithcheall nó "conceit".

Caith dhíot a' coimhightheas, a's buail isteach. 'Ní bhíonn fear náireach éadálach' tá fhios aghad.

Fág a' bheatha annsin aca(b) a's ithidís fhéin í, má's breagh leo(b) é. Tá an iomarca coimhighthis orra(b) romhatsa anois.

Rinne sí an-teanntás orm idtosach, ach shílfeá go bhfuil sí a' gabhail 'un coimhighthis liom le goirid pé'r bith cé'n fáth é.

Nímé an doithcheall nó coimhightheas a bhí aige romhainn, nuair nar chuir sé mórán caidéise orainn!

Marach le coimhightheas rómhatsa faoi thú a bheith in do strainséara, mo choinsias, bheadh lán a' tighe istigh. 'Seo é an teach cuartaidheachta atá ag aos óg a' bhaile.

Déanann sé coimhightheas i gcomhnuidhe leis a' strainséara. = é scáthmhar nó dorcha le strainséaraí.

Ghlac sí coimhightheas liom, a's ní thálfadh sí deor dhom. D'aithin sí in mo strainséara mé.

Tá an oiread coimhighthis aige liom, a's a bheadh aige leis a' té is fuide uaidh sa tír. Dheamhan a' gceapfá go mbeadh gaol a' bith aige liom, a's chomh dorcha a's bhío(nn)s sé liom.

Má tá coimhightheas aige fós leat, dheamhan a dtaitheocha sé leat go bráth = má tá sé scáthmhar a's dorcha leat fós, ní bheidh aon-teanntás agaibh le chéile go deo.

Is beag a' dochar dhó coimhightheas a bheith aige leis an athair, a's chomh dúnárusach, dorcha a's tá sé fhéin.

Marach a' bhfuil de choimhightheas aca(b) leis a' madadh, b'fhurasta iad (na caoirigh) a sháinniú, ach tá scéin ionnta(b) anois, aige. Bagair air, a's cuir abhaile é.

Ní leigfeadh an coimhightheas dó a theacht isteach. D'imthigh leis aríst.

Meastú tuige an coimhightheas atá sa mí seo 'chor a' bith? Ní fhaca mé an mhí seo a' teacht chomh dona ariamh cheana. Ach b'fhurasta 'aithne é, a's an lá 'dtáinic an ghealach. 'Gealach Sathairn a's í 'thoidheacht sa bhFoghmhar — uair sa seachtmhadh bliadhain, is maith leis a' máirnéalach í 'fheiceál.

Ní bheadh iongantas a' bith orm, arbhar a bheith lobhtha a's an coimhightheas atá 'san uair. Ní bhuachfa (bhuadhfa) mise aon-phighinn go deo ar a' ngarrdha atá annsin thíos agham, arae tá sé scuirthe as éadan ag a' ngála.