carradh dhubh mar a bheadh tobac ann, agus í cruadh tacúil. Bíonn sí le ceannacht sna siopaí. Leaightear ar bhainne í, agus tugtar de phurgóid do bheithigh agus do dhaoine í. Rud searbh í, ach deirtear gurb an-phurgóid í. Roimhe seo, bhíodh páistí ann, agus ba doiligh a gcoisceadh den chígh. Bhíodh cuid aca suas in a sean-ghasúir, agus bhídís ag iarraidh a dhul ag diúl mar sin fhéin. Len a gcoisceadh chuireadh na máithreachaí nó na banaltraí fuath fíona ar a gcuid cíoch féin. Deirtear an gasúr a mbíonn fonn diúil mar sin air, go mbíonn an-bhiseach faoi, agus go ndéanfaidh sé an-fhear. Chuirtí ar shiniúchaí bó freisin í, le go nglacfadh an laogh gráin uirre. (Aloeo a thugtar air i mBéarla).