Tá sí seo thuas ag deisiú tuirne le dhul ag sníomhachán. Bhí T. ag cur cluasa ann aréir agus dhá sciúradh. A Dhia dhá tharrtháil! Tá sé na cianta ó chonaic mé aon tuirne cheana

Diabhal mé go sílfeá go mbíodh an-drabhlás san éadach a bhíodh ann fadó. Dá mbeadh méid ar bith in do ghiota flainín nach bhfeisteodh sé amach lán tí. Ach an leámháinín siopa sin, gheofá an saol dó (de) agus ní thiocfadh sé i bhfad ná i ngearr ina dhiaidh sin. Ní mór do dhuine a bheith imithe dhá cheannacht chaon dara lá. A Thiarna Dé nach é an saol a d'imigh ón uair a mbíodh mná ag sníomhachán ó oíche go maidin. Is gearr nach mbeidh tuirne sa tír