I nDomhnach, tá sí ina brín óg ó chuir sí an fear.

Nach é atá ina bhríthín óg againn le go mbeadh sé ag coinneáil chomhluadair le gearrchailí (cailiú — an foghar)

Bhí sé ina bhríthín óg ó chuaigh an braon sa gcorraic aige.

Ar an dá luath is a mbeidh an darna gloine ólta aige, beidh sé ina bhríthín óg.

Is fadó an lá ó bhí sí sin ina bríthín óg.

Dar mo choinsias, ó bhearr tú do ghruaig tá tú scinnte amach in do bhríthín óg (puisbhean a thug an bearradh giortach ar a gruaig le bheith sa bhfaisean)

Tá mé in mo bhríthín óg aríst ó tharraing mé na fiacla.

Níl lá aoise ag teacht air. 'Sé atá ina bhríthín óg i gcónaí.

Is beag an chroith a d'fhaighinnse sa dá leathchéad a shíneadh nuair a bhí mé in mo bhríthín óg mar thusa.

Dhá mbeinnse in mo bhríthín óg arís, ní anseo a d'fhanfainn ag coraíocht le breaclachaí. Ghreadfainn anonn go Meiriceá nó go Sasana ag saothrú dhom fhéin.

Is agat atá an ceart siamsa a bhaint as an saol chún's (chomhuain is) a fhéadfas tú, ní bheidh tú in do bhríthín óg i gcónaí.

Is beag an baol gur istigh ag breathnú idir an dá shúil ar chailleachaí a bhínnse nuair a bhí mé fhéin in mo bhríthín óg.

Tá sé ina bhríthín óg aríst ó phós sé — ag dul in aois na hóige atá sé ó phós sé.

Ól é seo ag dul a chodladh duit agus beidh tú in do bhríthín óg aríst ar éirí dhuit ar maidin.