Is mé atá in mo bhúilleach chríochnaithe ag na breaclachaí céanna. Ní maith go bhféadfá iad a shiúl, ní áirím ualach a thabhairt thríob.

Tá sé ina bhúilleach ag an gcapall siúd, arae tá sé ag cinnt air aon cheart a bhaint dhi faoin gcarr.

Tá sé ina bhúilleach ag feamainn agus é ag cinnt air freastal di — tá an oiread feamainne aige agus nach bhfuil sé in ann í a chur amach ná as an gcladach.

Beidh mé in mo bhúilleach ag an bhféar sin mura n-éirí liom fear fánaí a fháil — mura bhféada mé duine a fháil ar a lá páí, cinnfidh sé orm aon chóir a chur ar an bhféar cheal cúnta

Tá mé in mo bhúilleach cheana le neart oibre agus é cinnte dubh is dubh orm freastal dá leath.

Bhí sé ina bhúilleach ag an gcloich ag iarraidh í a chur isteach sa gclaí agus dá mbeadh sé léithe ó shin, ní bhainfeadh sé filleadh ná feacadh aisti go dtáinig cúnamh.

Is mór ab fhiú duit go bhfuair tú an méid sin fhéin cúnamh agus gan tú a bheith in do bhúilleach aige thú féin.

Tá mé in mo bhúilleach ag na caoirigh céanna chuile lá sa mbliain d'uireasa cúnamh a chuibhreodh iad.

Mura bhfaighe tú duine eicínt in éindí leat, déanfaidh sé búilleach dhíot ag iarraidh é a cheansú (bromach a bhí faoin scoir)

Murach gur chas Dia aníos thú, bheinn in mo bhúilleach ag na cupla uan sin. Tá mé ag iarraidh breithe orthub lena gcoisceadh (fc. coisceadh)