flith
—ainmfhocal, baineann
—
luibh nó salachair goirt; fásann sí i bhfataí go háirid, déantar a gortghlanadh as. (Chickweed?)
+–
Níl dhá shop ar bith is measa i bhfataí ná glúineach dhearg agus flith. Tá chaon cheann acu sna garrantaí sin thoir againne.
Ní mór a dhul ag gortghlanadh na bhfataí sin thuas ar an toirt. Tá siad lomlán le flith. Is mór an úis iad
TUILLEADH (3) ▼
Níl mórán soip iontu, cé is moite den fhlith sin, ach cé beag dóibh a dhonacht, arsa tusa. Sin í an cailín atá in ann a bplúchadh
Ní fhaca tusa flith ag dul le cois chapaill ariamh? … Ní hé sin domsa é muis. Is minic a chonaic mé dhá cur léithe í dhá mbeadh sí ata. Í fhéin nó moing mheara. Tá an fhlith chuile orlach chomh maith leis an moing mheara. Í a bhruith i bpota agus an sú a chuimilt den at. Ní foláir í a choinneáil cuimlithe léithe nó go dtraoithe sí. Bhainfeadh sí at as duine freisin. Í a théamh os cionn na tine, agus a bualadh le do dhá bhois, agus a cur isteach leis te bruite. Chuir mise le mo láimh anseo í uair a raibh sí ata. Ba gearr a bhí sí ag baint an at aisti.
Tá mé meata le trí lá ag na fataí sin thuas. Níor léir duit das ar bith iontu ag flith agus ruibhléis. Diabhal a leithide de chaoi. Shílfeá nach cheal leasaithe é muis
flith in iontrálacha eile (1)
→
dlúsúil
Níl rud ar bith is dlúsúla ná a bhfuil d'fhataí ansin thoir a ghlanadh. Tá siad ite le flith agus le salachar. Diabhal mé go bhfuil airde crann báid iontu