meach chapaill. Feithideach mar a bheadh meach ann agus ar dhéanamh na meachan ach nach bhfuil méid na meachan ann. -'Sé a chuireas gath i gcaiple. An cleabhar a laíos ar na beithígh. Nead ar nós cuasnóg mheachan a bhíos ag an bhfothach. Gheofá i móinéir iad. Bíonn caonach orthu. Is minic leo cuasnóg a dhéanamh freisin faoi sháil cloiche, i mbuntsop tí. Níl sé éasca a gcuid cuasnóg a choilleadh. Bíonn ruibh orthu, agus bheifeá foirgthe le plá acu ar an toirt. Is maith a oibríos an té a thugas mil uathu. D'fhuileoidís ort as éadan.