Shílfeá go bhfuil sí an-lách ach ní bhfuighinnse aon-tsásamh uirri in a dhiaidh sin. Chíotar dhom go bhfuil sí ro-fhuarchosach. Chaithfeá a bheith san áirdeall ort fhéin igcomhnaí léithi. Níl sí fáilí mar a bheadh duine eile.

Ná buail bleid chainte ar bith air sin. Ní mó ná go dtaithníonn sé chor ar bith liom. Tá sé ro-fhuarchosach, agus an sean-dall glic fhéin, ní dhéanfadh amach cén bealach atá leis. Ach tá a bhealach fhéin leis deirimse leat!

D'fhan sé annsin teáltaithe agam chois an teallaigh, agus gan smid ná smeaid aige ach an oiread agus dhá mbeadh sé gan aon-teanga a bheith in a phluic. B'fhada liom go dteagadh duine eicínt. Chinn orm aon-fhocal a bhaint as. Bhreathnaigh sé ar an gclog faoi dheireadh. "Tá sé in am baile", adeir sé. Níor dhúirt mé fhéin go raibh nó nach raibh. Is mé a bhí sásta gur chrap sé leis. Sé an fear is fuarchosaí dhár shuigh ar mo theallach ariamh é

Dream fuarchosach mar sin ar fad iad. Níl súáilce ná laethúlacht dhá bhfaca tú ariamh ionta

Diabhal mé gur bean bhreá í, agus má sea fhéin, ní fheicim go mbíonn spéis ag aonduine inti. Tá sí ro-fhuarchosach ar chaoi eicínt