Aireoidh na sléibhte na beithígh a bheith saoirsithe, mar is leob is mó a bhíodh a bplé — is mór a chuirfeas sé as do mhuintir an tsléibhe go bhfuil díol saor ar na beithígh anois mar bhíodar ina dtuilleamaí.

Dhá bhféadadh na daoine snáth a choinneáil faoin bhfiacail go bhfeicidís leo, níor mhiste é. Ar ndóigh ní bheidh an saol mar seo i gcónaí. Críochnóidh an cogadh uair eicínt agus saoirseoidh an bheatha agus an t-éadach. An té a bhfuil caitheamh agus fáil aige, níl údar casaoide ar bith aige

Níl siad ag daoirsiú tada, hé brí céard a dhéanfas siad faoi shaoirsiú. Ach b'fhéidir amach anseo i dtús féir go dtiocfadh beagán orthu. Duine ar bith atá i dtuilleamaí beithíoch anois, is fear gan forás é

I nDomhnach níl ann anois ach roghain an dá dhíogha: í a dhíol ar bheagán, nó í a fhágáil ansiúd go ndéanfaidh sí deannach sna cruacha. 'Sé an áit siar a shaoirsigh móin. Tá siad dhá fáil ann ar bhreith a mbéil féin. Dá mbeadh na daoine gan a dhul ar páí chor ar bith ag an ngovernment ach a gcuid móna féin a bhaint, agus iad uilig a theacht suas ansin ar aon phraghas amháin, tá mise ag rá leat go mbeadh móin ina hór. Ach faigh thusa an dream a dhéanfas é sin. Gheobhair muis!

Ghabhfadh caoi air ach bhí muid dhá fhágáil ag ceapadh go saoirseodh rudaí faoi cheann scaithimh — cuirfí deis air; dheasófaí é

Shílfeá go mba cheart d'uibheachaí a beith ag saoirsiú feasta ó tá siad ag dul chun fairsingeachta. Ach níl aon chosúlacht orthu fós, pé acu sin é