dúracht (10)
→
fír
Níor cuireadh fír na maitheasa ann in am. Is furasta aithinte air fhéin nachar cuireadh. Ní mian leis aon-bhuille a dhéanamh = níor taithíodh é leis an obair in a óige; níor cuireadh bruid nó dúracht nó smior na hoibre ann; níor cuireadh an obair san gcnáimh aige in am (ní minic adeirtear "fír" ar a aghaidh féin. "Fír na maitheasa", "fír na hoibre" etc. adeirtear go hiondúil)
→
fuar 2
Is fuar fánach ón gceann céanna tada a dhéanamh. Ar nós chuma liom i gcomhnaí. Níl dúracht ar bith ann
+
Níl aon-dúracht oibre ann = níl aon-spleodar nó díocas oibre ann
TUILLEADH (7) ▼
Dhá mbeadh dúracht ann, bheadh na cupla súileoig sin curtha aige le seachtain agus gan a bheith ag fáil bháis as a gcíonn mar tá sé
Siúd é adubhairt é le dúracht. Má tá tú ag iarraidh paidrín a rádh le dúracht cuir é siúd dhá rádh = go breagh spleodrach cuíbheamhail
Nach hé a d'innsigheadh an scéal le dúracht go ndéanaidh Dia grásta air. Sheasfá ins an sneachta ag éisteacht leis dhá chur amach dhá chroidhe. Tá na Fiannóirí imighthe uilig anois
Teirigh in a éadan aríst. B'fhéidir go gcuirfeá isteach é an "turn" seo. Ar chuala tú ariamh é go meallfaí bean dhá gcaithtí dúracht léithe = má chaitheann duine le rud ar bith dhá dhoilighe, déanfaidh sé é 'sa deireadh
Is rud í an fhoghluim ar nós 'chuile shórt eile nach mór dúracht a chaitheamh léithe. Is beag an dúracht atá an ceann seo againne a chaitheamh leis an scoil muis. Ní iarrfadh sé breathnú ar aon-leabhar go deo
Cho uain agus a bhí sé ar na portaigh is mó an dúracht a chaith sé le mná ná len a chuid móna. Agus tá a shliocht air. Níl díol ráithe de mhóin thirm anois aige
Tá sé ag lánú le dúracht annsin thuas. Is mó na clocha ná an lán atá sé a chur ar na fataí sílim (Is minic a bhíos an chiall seo leis: an iomarca spleodair nó díocais, i riocht agus gur mó a mhillfeadh ná a leasóchadh an té a bhíos amhlaidh)