→
cuntas
cuntais (20)
+
→
bealach
Ní bheadh sé cianóg as bealach le cuntas a chinnfeadh ar an gcléireach is fhearr istigh i nGaillimh, agus dheamhan lá a chaith sé ag aon scoil ariamh.
TUILLEADH (3) ▼
Níl rath ná ríocht leis ag déanamh suas cuntais. Bíonn sé go leor as bealach i gcónaí.
Dhá phunt as bealach a bhí an cuntas. Dhá mbaintí an méid sin de dhuine, deirimse leat, go n-aireodh sé é.
Is suarach an t-ionadh go mbíonn an cuntas as bealach agus laghad an staidéir a ghlacann sé leis fhéin dhá dhéanamh suas. Fhóbair gur bhain sé scilling is chúig phínn thar an gceart díom an lá faoi dheireadh murach gur ghoin m'aire mé agus gur iarr mé fhéin an leabhar.
+
→
cuntas
Coinnigh cuntas ar sin anois — comhaireamh, cuimhne.
TUILLEADH (11) ▼
Dheamhan cuntas ar bith atá tú in ann a choinneáil in imirt — ní bheifeá in ann an t-airgead ná an bonn a chomhaireamh.
Dheamhan cuntas ar bith aige — níl sé in ann rud ar bith i gcúrsaí figiúirí a dhéanamh suas.
Ceadh nach bhfuil aon rath leat le cuntas? — tuige nach bhfuil féith an áirimh ionat ("cuntas" a thugas go leor de ghasúir Chonamara ar "Arithmetic")
An fear maith cuntais thú? — an bhfuil aon rath ort le figiúirí
Tá an aimsir as cuntas ar fad (annamh) — uair fíorchoimhthíoch í, nó drochuair chríochnaithe; níl cinneadh léithe.
Tá an scéal sin as cuntas ar fad — dochreidte; uafásach
An bhfuil a fhios agat cén cléireach cuntais atá ag M. M. anois?
Murach chomh maith agus a bhí mé ar mo mhaidí, dhéanfadh an cléireach cuntais a bhí ann cneámhaireacht orm.
Sin é fhéin an cuntas cam atá aige sin! (mar dhóigh dhe go ndéanadh an siopadóir cneámhaireacht ar na daoine a thógadh earraithe uaidh)
Tá sé chomh maith dhuit an cuntas sin a dhéanamh amach dom go n-íoca mé as láimh é
Chuir sé cuntas abhaile as Meiriceá faoi sin — scéala, cur síos
"A chailín a bhuail fúmsa tráthnóna agus a d'ith mo dhrár; Ba chóir go gcuirfeá cuntas ag na comharsanaí go raibh tú gann; Murach thú a bheith mímhúinte, ní bheadh súil leat abhus is thall; Níor shásaigh féar an fhómhair thú! A shampla shalach, fuair tú call! (As An Bhó a Fuair Call — amhrán greannmhar a rinne Colm a Bhailís faoi bhó a tháinig agus a d'ith a dhrár air. Tá de dhifríocht idir "buail fút" agus "buail leat" nó "buail ort" (cas ort) sna samplaí thuasluaite, go mbíonn aighneas, araoid, nó millteanas i gceist i "buail fút".
An-fhear cuntais é M. Ní éiríonn dearmad ar bith dó, agus na mílte punt ag dul thrína lámha
Ní hin fear ar bith le bheith ag díolaíocht leis. Mura gcoinní tú féin cuntas ar a bhfaighidh tú, níor dhóichíde cleas dó sin ná an oiread eile a bhualadh ar do bhille. Maidir le coinsias níl sé aige. Faigh thusa an siopa a bhainfeas an ceart amach, feiceamuist!
→
téigh ar
Chuaigh dubhchomaoin air i gC. inné. Casadh isteach tigh Dh. na hA é agus fuair sé bia agus deoch gan cuntas ann.