Deir tú leis an lá faoi dheireadh a thosaigh ag tabhairt cor na bhfocal don mháistir. Nach mór an éisteacht a bhí ag an máistir leis nár thosaigh dhá ghreasáil. Dheamhan greasáil muis. 'Sé an chaoi ar thosaigh sé ag gáirí

B'ait iad na seanfhondúirí go ndéana Dia maith orthu! Bhuailidís greasáil ar a chéile scaití nuair a bheadh braoinín ar bord acu, ach ní bheadh aon chuimhne air lá arna mhárach. Dheamhan gangaide ná aicis a bhí iontu. Bhí siad go maith lá an anó. Á, is cóir adeir siad, gur imigh Fionn agus na Fianna

Diabhal a mbíonn siad rófhonnmhar ag dul chuig an scoil muis. Tá an máistir óg seo róghéar ar ghasúir laga. Buaileann sé an-ghreasáil orthu scaití

Thug sé greasáil dheannachtach dhó agus ba mhaith an oidhe air é freisin — ba mhaith sin

Dodaire í an mháistreás óg sin ann sílim. Is furasta a aithinte uirthi é. Tá an chuid eile acu fáilí go leor, ach ní bheannódh sí sin duit scaití. Tá sí ag leagan ar na malraigh beaga go binn freisin. Diabhal mé nár mhiste le duine faoi ghreasáil, ach maraíonn sise iad ó mhaidin go faoithin

Ní sheadóidh cailín ar bith sa teach sin. Cén chaoi a bhféadfaidís: paicle pháistí ann atá chomh cantalach le dris. Nach bhfuil an mháthair féin thar bharr a céille acu, ní áirím cailíní. I leaba a bheith dhá ngreasáil an fhad is a gheofaí teas ina gcraiceann

Déarfainn go bhfuil léarsachaí (léasrachaí) ar an leath deiridh ag gasúr J. T. anocht agus an ghreasáil slaite a thug an mháthair dó. Ach níor theastaigh uaidh ach é. Tá sé ró-ábhailleach ar fad