Foclóir Mháirtín Uí Chadhain

misneach (9)

 
Tá muid ar an gcúig. Dhá dheich agus a cúig é chreidim. Bíodh misneach agat ansin thall. Deir siad gur minic na caiple deiridh ag dul chun tosaigh
 
diaidh
Cáide go mbeidh aon mhisneach agat a dhul i ndiaidh an asail
 
Chuaigh sí siar tráthnóna agus éadan an-diúltach uirthi. Ní raibh sé de mhisneach agam beannú di le faitíos gurb é an chaoi a n-ionsódh sí mé ar bhall na háite
 
do 1
Tháinig misneach dom nuair a chonaic mé T. ag tabhairt a ndúshláin
 
Ó tháinig an dobrón sin uirthi, níor fhan croí ná misneach aici. 'Sí a d'athraigh. Bhí dhá chroí aici sin roimhe seo
 
Ní bheadh misneach ar bith agat a dhul soir agus leicín an doichill a bhriseadh ag J. N. Iarrfaidh mise dhuit í. Th'anam ón diabhal, imigh leat agus faigh buidéal fuisce agus gluaisfidh an cúpla againn siar. Tá smearachán ghaoil aige liomsa. Mura dtuga sé aon ugach dúinn, buailfidh muid pléasc ar an gclog nua a cheannaigh siad
 
driull
Sin fear anois agus is fada dhó a shaol. Tá an driull ar an dreall tite ceart air. Chuir sé sin isteach ar an oiread postaí, agus heitíodh é chomh minic sin, agus nach bhfuil misneach ar bith fanta ann. Tá sé ite le aicis agus is mór leis chuile dhuine
 
druid 2
Tá an lá breá anois ar ghort an bhaile, agus b'fhéidir go dtabharfadh sé misneach duit le corraí isteach is amach
 
Ní féidir gur ag dul chun drogaill atá tú. Más ea, ná bac leat féin. Shíl mé go raibh misneach thairis sin agat