Mura dtuga an sagart dea-shampla uaidh, is deacair a bheith ag iarraidh dea-shampla ar ár leithidí muide

Má tá sé dlifear ag fear a chol ceathar a phósadh, shílfeá go mbeadh sé dlifear aige a dheirfiúr a phósadh. Ach níl … Ara ná bac leis an ngrifisc sin i gC. Phósfaidís sin a máthair. Ní sampla ar bith do Chríostaithe iad sin

Is iomaí rud nach bhfuil dlisteanach ag sagairt a ghníos siad. Mar adeir an ceann eile, "bíonn a sampla agus a dteagasc seacht n-acraí ó chéile"

Dream sách aisteach iad na sagairt i nDomhnach! Ar chuala tú céard adúirt an sotach leis an máthair: bíonn a sampla agus a dteagasc seacht n-acra óna chéile. Déan mar adéarfas siad, ach ná déan mar a dhéanfas siad