Is suarach an t-ionadh go mbíonn an cuntas as bealach agus laghad an staidéir a ghlacann sé leis fhéin dhá dhéanamh suas. Fhóbair gur bhain sé scilling is chúig phínn thar an gceart díom an lá faoi dheireadh murach gur ghoin m'aire mé agus gur iarr mé fhéin an leabhar.

Tá sé an-uafásach i dtroid. Ní fhanann staidéar ar bith ann agus séard a dhéananns sé, tosaí ag bualadh roimhe.

Shílfeá nach mbeifeá chomh mífhoighdeach sin ach staidéar a ghlacadh leis an rud atá tú a dhéanamh

Thug tú deis don fhear thall a aon a hairt a chur fúmsa agus mé a chur as cúig. Go gcuire Dia an t-ádh ort, agus bíodh staidéar eicínt ionat, agus ná bí ag caitheamh do chuid cártaí i dtraipisí mar sin

Bíodh foighid agat. Níl maith ar bith dhuit a dhul i ndiaidh do mhullaigh ann. Glac staidéar. Nár chuala tú ariamh é go bhfuil iasc sa bhfarraige chomh maith agus a gabhadh fós

Bhí sé ag dodaireacht agus ag dodaireacht, agus ní bheadh a fhios agat beirthe beo ná baistí céard a bhí sé a rá lena raibh de thaghd air. 'Glac staidéar,' arsa mise 'agus cuir do chuid cainte i ndiaidh a chéile ceart go mbeidh a fhios ag na daoine céard atá tú a rá; nó céard atá ort. Dheamhan a fhios ag aon duine anseo ó bhonnaíochaí an diabhail mhóir céard is cor do do sheanbhicycle. Ar ndóigh ní ag ceapadh atá tú gur leag aon duine anseo láimh air. Níor leag muise ach an oiread is a leag tú féin'

Ní shásódh rud ar bith é ach an bord a chur droim ar ais ar an urlár agus é féin a shíneadh istigh ann. Dheamhan duine dhá bhfeicfeadh é nach sílfeadh nach raibh a dhíol staidéir ann

Déan staidéar — bíodh staidéar ionat; ná bí chomh soghluaiste, nó chomh corrmhéiniúil agus atá tú

Glac staidéar anois! Ní chuirfidh tú as choíchin as dúshlán í. Stuaim a dhéanfas é. Is fhearr stuaim ná neart adeir siad