Ní mór fear láidir le dabhach a iompar. Ní bheadh aon-ghnatha ag M. Sh. G. faoi cheann aca, ná dheamhan gnatha

Cheal nach bhfuil sé de rath ort an mála a iompar

An-chapall go deó í siúd aige. Níl tolgán ar bith aice deich gcéad fhichead a iompar

Tá sé rí-dhiabhlaí trom len a iompar (sáthach diabhlaí trom, fíor-dhiabhlaí trom, dubh-dhiabhlaí trom, dubh-dhiabhlaí trom go deo agus rl.)

Is diabhlaí go deo an fad atá is na giúiríní sin. Ní fhaca mé ceanna cho fada sin ariamh. Ní fiú do sheacht mallacht an t-adhmad sin anois. Tá sé rodtha ar fad aca. Bhí sé cho maith a fhágáil annsin 'dtigh diabhail, agus gan a bheith ag cur easonóir ort féin dhá iompar abhaile, agus nach dóigh an Cháisc ar an Domhnach nó go dtuitfidh sé in a mhionús ort shul a bhéas tú ag an teach

Nach maith a chaithfeadh sé a bheith in a dhreancán thar aonduine. 'Séard a bhí a dhéanamh leis sin é a fhágáil in a sheasamh suas annsiúd agus gan an sdriog féin a thabhairt dó ó thárla nach bhfuil sé indon é féin a iompar

Ba é an chaoi ab éascaidh dhuit uiliog é a iompar dhá mbeadh a chosa ar duailín aige. Ach ba shin é an áit a raibh an obair a chosa a chur ar duailín