Is beag an dochar dhó a bheith deallruighthe fhéin agus gan aon-tsnáth air thairis siúd. 'Ar ndú', níl aon-fhear beo indon a sheasamh ar scáth an méid siúd éadaigh

Deallruigheadh é muise ar an mbóthar aréir ag fanacht léithe. Tháinic sí faoi dheireadh thiar thall, ach b'fhada é. Bhí déidín tuitthe aigesan ag fanacht léithe ar aon-chor

Tá mé deallruighthe thíos annsin thíos ó mhaidin ag fuirgheacht fea'int a bhfeicfinn ag teacht é, ach diabhal teacht. Sactha istigh ag ól idteach ósta eicínt atá sé siúd

Tá gasúr ar bith a chaithfeas a dhul ag an scoil ar an aimsir seo deallruighthe. Má's muid féin é, nach bhfuil muid deallruighthe ní áirighim gasúir laga

Cé'n mhaith dhuit a bheith do do dheallrú féin annsin. Diabhal cos an "lorry" sin a thiocfas go maidin. Fanacht faoi bhealach ag ól a rinne sé sin

Dheallróchadh aonduine beo istigh ar an teallach ann. Níl dé dhá bhfaca tú in do shaoghal ariamh aige. Cé'n chaoi a ndéanann sé bruitheachán ar bith

Tháinic sí agus í deallruighthe agus scar sí í féin ar an teine, agus ní raibh goir ag duine ar bith eile drannadh léithe aice. Guróir an-fhuar í

Caithfidh sé siúd amach iad. M'anam gurb air nach mbeidh an scrubal mo léan. Agus cead aca deallrú chois an bhóthair má's breagh leo. Má dheallruigheann féin dheamhan a mbainfidh sé codladh na h-oíche dhó siúd

Tá mé deallruighthe thuas ar an bportach ó mhaidin. Dar brígh an leabhair, b'fhuaire é ná lá geimhridh.

Dhá mbadh mise thú, ní dheallróchainn mé féin annsin ag forcabhás air. Teagadh sé agus tugadh sé leis í, má fheileann sí dhó, nó mara bhfeilidh, fágadh sé in a dhiaidh í. Beatha do dhuine a thoil a mhic ó