Is daor an buille air é. Dar mo choinsias, is beag iarraidh ar fiú chúig phunt fhichead í, ní áirím a mbeidh de chostas air. B'fhéidir go gcomhairleodh sin anois é. Ach ní féidir an drochdhuine a chomhairleachan

Fuair sé airgead mór ar an áit sin a dhéanamh. Is airgead mór é lena mheas mar sin, ach cár fhága tú an deachmaíocht ina dhiaidh sin. Tá sé réidh go leor cheithre mhíle punt a rá, ach ní bhfaighidh sé leithphínn dhe sin go mbeidh an chloch spideoige thuas aige, agus gan a fháil an uair sin fhéin ach a leath. Ní bhfaighidh sé an chuid eile nó go bpasálfaidh na hengineers é, agus b'fhéidir gur fada é sin. Dar brí an leabhair bhí costas freisin air

Mo chuid agus mo chostas ar Dhia na ngrást! (fc. costas)

Tá an-diomalú sa ngaineamh sin. Níl sé in ann moirtéal ar bith a dhéanamh. B'fhearr dhuit ar scáth an chostais, lorry a fháil agus é a ardú leat suas go M. agus gaineamh ar fónamh a thabhairt leat ná a bheith do do mhearú féin leis sin. Ba saoire a bheadh sé faoi dheireadh thiar thall

Cheannaigh sé an chú sin ar na drochóirí dó féin. Thug sé lán laidhre uirthi agus dheamhan cianóg rua a chuir sí síos ina phóca ariamh ná a chuirfeas go brách. Cén bhrí ach a dtarraingeann sé de chostas air ag imeacht i chuile áit léithe

Má shánn sí siúd a liodán ann, cuirfidh sí de dhroim tí agus talúna é. An bhfaca tú cheana nuair a chuir sí dlí ar Sh. T. Céard a bhí dhá barr aige. Bhí, é a bheith bochtaithe ó shin. Níor íoc a raibh istigh is amuigh aige costas na cúirte dhó an uair sin. Is fiú í siúd a sheachaint. Úll na haithne í, diúltaímid di

Chuaigh rud eicínt le cois deich bpunt orm le chuile chostas a chomhaireamh. Ba daor an buille é, ach diabhal mé go raibh a shásamh agam ina dhiaidh sin

Níl aon mhaith a dhul i gcostas faoi — there is no use to incur cost over it