diúltú
—
+–
Tá diúltú aige roimh an áit soir — ní mian leis a dhul soir chor ar bith (he has renounced it; it is anathema to him); is treise é ná tá drogall aige roimh an áit soir
Tá diúltú aige roimh an gcladach. In aghaidh a chos críochnaithe a ghabhfas sé ann
TUILLEADH (1) ▼
Bhí diúltú aige roimh an aifreann ariamh fhéin, ní dhá roinnt leis é! Síos ag iascach, ná suas ag gróigeadh móna nó ag biorú claíochaí a bhuailfeadh sé ar uair an aifrinn, sé sin chomh uain is a bhí sé de rath air aon bhuille mhaitheasa a dhéanamh
Féach freisin
diúltú in iontrálacha eile (12)
+
Chreidim go bhfuil sé théis an tae a dhiúltú ar fad. Ar ndóigh diúltaithe atá sé ag na daoine scáth a bhfuil le fáil dhe. An méid sin féin muis bíonn muid dúlaí aige … Bhí an-tóir aigesean air muis. Ní raibh ann ach "caith síos dhá bhlogam tae" chuile ré solais
TUILLEADH (10) ▼
Tá an lá ag diúltú den (dá) tsolas — tá an oíche ag titim; tá an contráth ann
Níor tháinig sé go raibh an lá ag diúltú den tsolas, ainneoin gur cuireadh parúl air a bheith anseo ó ló mhór. Ach mo chreach mhaidne, bhí maith ann go deimhin!
Bhí an lá ag diúltú dhá sholas inniu nuair a chuaigh an bus thart. Ach chreidim gur suarach an t-ionadh sin agus muid ar ghearrógaí dubha na Nollag. Ba mhór ab fhiú é dhá mbeadh an lá casta féin. Dheamhan a n-aireodh duine síneadh ag teacht air aríst
Déan deabhadh anois má rinne tú ariamh é. Is gearr nach léir duit do láimh. Tá an lá ag diúltú dhá sholas cheana, agus níl siar ná aniar ann an tráth seo bhliain. Dhá mbeadh an lorry líonta againn ó sholas, níor chás dúinn é. Níl muid ag iarraidh fearacht Sh. Ph. Mh. a dhéanamh leis: spadalach agus scrathachaí agus clocha a thabhairt dó de shiúl oíche!
An ceathair a chlog! Ní féidir! I nDomhnach, chreidim gur fíor dhuit é. Tá an lá ag diúltú den tsolas
Is gearr le dhul an lá anois. Tá an ghrian ag diúltú dhá solas. Dheamhan a fhios agamsa nach bhfuil sí i dtalamh
Corraigh amach. Ní mór dúinn an easca a bheith bailithe againn shul má théann an ghealach faoi. Tá sí ag diúltú dá solas anois féin. Is contúirt é an criathrach seo le cíocraí agus caochphoill. Fuair mé mo dhóthain cheana dhó …
Mura bhfuil lampa agat níl aon ghnaithe amach anois agat. Beidh an oíche chomh dubh leis an bpúca gan mórán achair. Tá an ghealach ag diúltú dhá solas. Níl ann ach sceallóigín gealaí fós, agus is gearr go dté sí faoi. Déanfaidh sí fíor-dhrochoíche freisin …
Tá an lá ag diúltú dhá sholas, muran duifean báistí é. Ní mheasaim go bhféadfadh sé a bheith chomh fada siar sa lá agus go mbeadh an oíche ag titim. Ársóidh sé amach aríst b'fhéidir, ar ball
Diúltaímid do na háibhirseoirí sin ar fad, agus mo chomhairle dhuitse diúltú dóibh freisin, shula bheas aiféala ort!
Níl aon lá ariamh féin nach mbéarfadh dubhchrónach na hoíche air ar bhóithrí R. an Mh. Ach tá diúltú aige roimh a dhul siar ar fad le gairid. Go dtí an geábh sin fhéin anois, níor facthas siar é le saol is aimsir