→
dána
gearrán (9)
Céard tá an geoisteamán sin a dhéanamh soir, an eadh! Muise nach dall a' mhaise dhuit é. 'Bhfaca tú an chuach ariamh gan a' chaológ riabhach a fheiceál ina searrach indiaidh gearráin ina diaidh aniar? A's dheamhan blas í ach a' magadh — a' dearg-mhagadh — faoi.
→
iompair
An uair a bhíodh na rubálaidhthe inGleann Ghuirtín an Airgid, ba truagh do'n té a mbeadh airgead ar iomchur aige 'gail (ag dul) go dtí Aonach an Ghearráin Bháin. ("Aonach an Ghearráin Bháin; "Aonach an Chnuic" = aonach Dhroichead an Chláirín nó Áth Cliath Mheadhraighe. Ba an-aonach bromaigh agus capall é, roimhe seo, agus theigheadh daoine ó 'chuile cheaird ann. "Aonach an Ghearráin Bháin" a thugadh muinntear Chonamara air. "Aonach an Chnuic" a thugas muinntear an Achréidhe fós air. "Gleann Ghuirtín an Airgid" = log ar bhóthar an Ríogh idir Gaillimh agus Órán Mór. Is ann a mharbhuigh na dubhchrónaigh an Ceannphuirt Lughaidh Ó Dorchaigh sa mbliadhain 1920. Ba mhór an áit gaduidhthe agus rubálaidhthe é roimhe seo, agus chuireadh na daoine a gcuid airgid síos ina stocaí nó d'fhuaghaidís ón a gcuid éadaigh é, ar fhaitchíos rubála a' dul ar "an nGearrán Bán")
+
"Deireadh sean-ghearrán bán nó deireadh sean-mháistir scoile". = is cosamhail go bhfaghann siad bás le anshógh nó le siléig, nó go bhfaghadh roimhe seo
TUILLEADH (2) ▼
Sin é é. Deireadh sean-ghearrán bán, nó deireadh sean-mháistir scoile. Is leath-fhocal é. Chuala muid ariamh é. Diabhal mé muis go sílfeá go bhfuil cion ar na sean-mháistirí scoile ar an saoghal seo. Tá fear aca annseo thiar, agus ní dheachaidh an oiread peiliúir ariamh faoi shean-ghearrán bán agus a bhíos faoi!
Sin é an deireadh a bhéas aige faoi dheireadh muis: é a fháil básuighthe chois an chlaidhe maidin eicínt. Deireadh sean-ghearrán bán nó sean-mháistir scoile, adeir siad
→
diaganta
Nach conórach an mhaise dhó é a dhul soir ag an bpaidrín 'chuile thrathnóna. Cá'id ó d'eirigh sé amach cho diaganta sin. Dar mo choinsias muis chonnaic muide scathamh eile é agus ní raibh sé ro-dhiaganta chor ar bith. Rud ar bith nach mbeadh trom ná te, bheadh sé fuaduighthe aige. Ach síleann sé má tá teach nuadh déanta aige anois go bhféadfaidh sé a bheith in a shearrach indiaidh gearráin ag sagairt!
→
dodach
Má tá an capall cho dodach sin, ní f'lár cinnire níos fhearr ná thusa in a h-éadan. Cé'n t-eolus atá agadsa ar chaiple cé's moite de'n chupla geábh sin a thug tú G. leis an sean-ghearrán, agus 'ar ndú dheamhan cor a dhéanfadh sí sin, dhá mbeadh gunna mór ag pléascadh ina cluais