Sin é an donas i gcomhnaí, nuair a bhéas duine eicínt ann nach dtiocfaidh le comhar = míádh

Tá an donas ar an aimsir seo = míádh, "an diabhal", an catmara le donacht

Is beag ag fear an chumais an donas a dhéanamh (sean-fhocal) = an té atá láidir, ní carghas leis míostáid nó mísc a dhéanamh

Ab iad na Meiriocánaí sin! Ab iad sin riu! Tá an báire leo anois, agus tig leo a rogha rud a dhéanamh, bíodh sé go maith nó go h-olc. Ar chuala tú ariamh é? Is beag ag fear an chumais an donas a dhéanamh

Ní bhíonn an sonas gan an donas a bheith in a orlaí thríd (sean-fhocal) = má bhíonn an sonas ar béala, bíonn an donas go dlúth len a chúl; there are no unmixed blessings

Sin é an chaoi a chuidín. Ní túisce a eiríos rud linn ná a theagas rud eicínt eile a bhaineas an mhaith as. Is minic amhlaidh é. Ar chuala tú ariamh é, nach dtáinig an sonas gan an donas a bheith in a orlaí thríd

Ní sonas é sin chor ar bith ach donas. An té a bhfeicfidh tú rith sonais mar sin air, is minic nach mbíonn ann ach teasbánadh. Bíonn sé indiaidh an airgid, agus tugann Dia dhó é, ach cén mhaith do dhuine an t-airgead, mara bhfuil grádh Dé in a chroí. Is mó an donas go mór é

Is minic nach mbeadh a fhios ag duine cés fhearr an donas ná an sonas. An té a bhfeicfidh tú an mhaoin aige freisin, bíonn a anshógh fhéin air, agus deir siad nach bhfuil aon-ghaol ag an diabhal leis an duine bocht

Ba é lom an donais mhóir dó ar aon-chor a dhul go Sasana. Ach marach go raibh sé len aghaidh, chreidim nach ann a bheadh fód a bháis = ba mhór an míádh dó agus rl.

Nach thú a rinne lom an donais mhóir an chéad lá ariamh ar phós tú í sin. Ach ní raibh tú gabhthach le comhairle. Dhá dteightheá san áit ar h-iarradh ort a dhul …

Bíonn sonas indiaidh na simplíocht agus donas indiaidh na sraoillíocht' (sean-fhocal) (ach séard adeirtear go h-iondúil: "bíonn an sonas indiaidh na sraoillíocht". "Is minic mioscán ag sraoill agus bean mhaith gan tada")