Sin é an donas i gcónaí, nuair a bheas duine eicínt ann nach dtiocfaidh le comhar — mí-ádh

Tá an donas ar an aimsir seo — mí-ádh, an diabhal, an cat mara le donacht

Is beag ag fear an chumais an donas a dhéanamh (seanfhocal) — an té atá láidir, ní carghas leis místaid nó mísc a dhéanamh

Ab iad na Meiriceánaí sin! Ab iad sin riu! Tá an báire leo anois, agus tig leo a rogha rud a dhéanamh, bíodh sé go maith nó go holc. Ar chuala tú ariamh é? Is beag ag fear an chumais an donas a dhéanamh

Ní bhíonn an sonas gan an donas a bheith ina orlaí thríd (seanfhocal) — má bhíonn an sonas ar béala, bíonn an donas go dlúth lena chúl; there are no unmixed blessings

Sin é an chaoi a chuidín. Ní túisce a éiríos rud linn ná a theagas rud eicínt eile a bhaineas an mhaith as. Is minic amhlaidh é. Ar chuala tú ariamh é, nach dtáinig an sonas gan an donas a bheith ina orlaí thríd

Ní sonas é sin chor ar bith ach donas. An té a bhfeicfidh tú rith sonais mar sin air, is minic nach mbíonn ann ach taispeánadh. Bíonn sé i ndiaidh an airgid, agus tugann Dia dhó é, ach cén mhaith do dhuine an t-airgead mura bhfuil grá Dé ina chroí. Is mó an donas go mór é

Is minic nach mbeadh a fhios ag duine cé is fhearr an donas ná an sonas. An té a bhfeicfidh tú an mhaoin aige freisin, bíonn a anó fhéin air, agus deir siad nach bhfuil aon ghaol ag an diabhal leis an duine bocht

Ba é lom an donais mhóir dó ar aon chor a dhul go Sasana. Ach murach go raibh sé lena aghaidh, chreidim nach ann a bheadh fód a bháis — ba mhór an mí-ádh dó srl.

Nach thú a rinne lom an donais mhóir an chéad lá ariamh ar phós tú í sin. Ach ní raibh tú gafach le comhairle. Dhá dtéiteá san áit ar hiarradh ort a dhul …

Bíonn sonas i ndiaidh na simplíocht agus donas i ndiaidh na sraoillíochta (seanfhocal) ach séard adeirtear go hiondúil: Bíonn an sonas i ndiaidh na sraoillíocht, Is minic meascán ag sraoill, agus bean mhaith gan tada