Is aon chás amháin dhó gloine a ól le lán daibhche. Éireoidh an ghloine fhéin sa gcoiricín air agus tosóidh sé ag dul i ngeallta.

Níl fear ar bith a chinnfeadh air ag tógáil feiríochaí. Ní bheadh sé ala an chloig ag tógáil na daibhche sin anois duit. ’Sé an trua gan an dabhach sin a thógáil. Is breá an ball é. Níl air ach go bhfuil na cantaí caite roinnt ag an tóin. Dhéanfadh feire nua é chomh maith agus a bhí sé ariamh

Déanann sé braonachaí poitín dólámh, ach deir sé nach mbíonn tairbhe ar bith anois air. Barr daibhche ar fad é adeir sé liom an lá faoi dheireadh