D'áitigh sé do mo dhornáil. Shíl mé gur ag mugadh-magadh a bhí sé idtosach, ach ba ghearr go bhfuair mé len' innseacht nach h-eadh. Annsin thosuigh mé ag dornáil mé féin.

Leig de [do] chuid dornála ar an doras sin. Tá rud ar a' (ar) n-aire se'againne thar agus a bheith ag cur doras nuadh isteach annsin. Má tá fonn dornála ort teirigh soir go dtí M. Mh. Sin é an buachaill a thiubharfas lán do chruite dhuit

Bheadh ciall a mbualadh. Teastuigheann sin uatha scaithtí, mar tá siad ámhuilleach. Ach ní ceird ar bith di a dhul dhá ndornáil mar a bhíos sí. Cé'n bhrigh ach dorna aice siúd cho láidir agus a bheadh ag fear ar bith

Anois céard deir tú leis a thosuigh ag dornáil na mná as comhair a raibh istigh. Bhainfeadh sé deatach aisti marach gur coinnigheadh uaithe é

Ní fhágfadh sé eirghe in mo sheasamh ionnam leis an dornáil a thiubharfadh sé dhom, marach gur eirigh le S. a theacht ann. Choisin sé mé air

Má ghníonn tú sin aríst dornálfaidh mé thú, nó go dtugaidh mé dath dubh ort leis an mbail a chuirfeas mé ort. Mara sonnda an mhaise dhuit é a chleiteacháinín

Má dhornálann sé siúd thú, leonfaidh sé do chnámha. Ní ag míoladóireacht leat a bhéas sé. Dar fiadh ní h-eadh!