D'áitigh sé do mo dhornáil. Shíl mé gur ag mugadh magadh a bhí sé i dtosach, ach ba ghearr go bhfuair mé lena inseacht nach ea. Ansin thosaigh mé ag dornáil mé féin

Lig de do chuid dornála ar an doras sin. Tá rud ar a (ár) n-aire s'againne thar is a bheith ag cur doras nua isteach ansin. Má tá fonn dornála ort, téirigh soir go dtí M. Mh. Sin é an buachaill a thabharfas lán do chruite dhuit

Bheadh ciall a mbualadh. Teastaíonn sin uathu scaití, mar tá siad ábhailleach. Ach ní ceird ar bith di a dhul dhá ndornáil mar a bhíos sí. Cén bhrí ach dorna aici siúd chomh láidir agus a bheadh ag fear ar bith

Anois céard adeir tú leis a thosaigh ag dornáil na mná os comhair a raibh istigh. Bhainfeadh sé deatach aisti murach gur coinníodh uaithi é

Ní fhágfadh sé éirí in mo sheasamh ionam leis an dornáil a thabharfadh sé dhom, murach gur éirigh le S. a theacht ann. Chosain sé mé air

Má ghníonn tú sin aríst, dornálfaidh mé thú nó go dtuga mé dath dubh ort leis an mbail a chuirfeas mé ort. Mura sonnta an mhaise dhuit é a chleiteacháinín

Má dhornálann sé siúd thú, leonfaidh sé do chnámha. Ní ag míoladóireacht leat a bheas sé. Dar fia ní hea!