'Sé buac an duine danartha a bheith san anachain — 'sé a bhfuil duine danartha (doscúch, míchomhairleach ceanndána) a iarraidh é a chasachtáil i gcontúirt

Is danartha an diabhal é le dhá láimh istigh a fháil ort — tá sé crua fáiscthe, agus greim docht daingean aige má fhaigheann sé dhá láimh istigh

Is danartha an dream iad muintir Íochtar Tíre — is mí-ásach, míchomhairleach an dream iad

Ar na drochóirí dhó féin a bhuail sé faoin mótar sin. Tá daoine ann le haghaidh mótars ach m'anam nárbh eisean é. Níl aon mhaith ag talmhaí a bheith ag comórtas le boicíní muran leis féin a chuid talúna a chaitheamh in aer agus ceird a dhéanamh den mhótar. Ach maidir le bheith ag iarraidh an dá thrá a fhreastal, m'anam go bhfuil sé fánach aige. Sin é an rud a d'fhága cosa Ph. nite, ach ní raibh aon ghair ag aon duine a dhul ag cur chomhairle air: "a chomhairle féin do mhac dhanartha" adeir siad

Ní thabharfaidh sé a dhroim di sin go sleibhe. Bhí sé chomh maith dhóibh gan cur chuige nó uaidh anois, mar ní thabharfaidh sé toradh ar bith orthu. A chomhairle féin do mhac dhanartha agus ní bhfuair sé ariamh níos measa