Sin í an diagantacht eile muis, a cuid diagantacht' sin. Tiubharfaidh sí seársa ag an bPáidrín 'chuile thrathnóna, ach níl aon-locht aice a dhul síos casán M. le fear in a dhiaidh. Tá dhá thaobh ar an mbád mar adeir J. A.

Diagantacht uiliog iad sin: mná riaghalta, sagairt agus bráithre. Diabhal mé go sílfeá nach bhfuil an fear is óige sin an-tugtharach do dhiagantacht. Feicim ag cláradh mná soir ar an mbóthar 'chuile oíche é. Ní bhíonn tréad ar bith gan cuilíneach adeir siad