Tá docht uisce 'sa tóchar siúd. An súighteán a tháinic aníos leis an rabharta agus leis an taoille mhór, tá sé coinnighthe i bhfus, in áit ar leag sí béal an tóchair amuigh sa dúrlinn. Tá an tóchar ar fad calcuighthe anois. Ní dhéanfaidh sé siúd aon-mhaith go gcuirtear comhla amuigh leis

Beidh docht uisce agad sa bportach sin, nó go mbainidh tú an stannadh amach uait. Is bocht sa diabhal nach mbeadh. Nach furasta aithinte do dhall gan súil é

Ní ól ar bith é an "lemonade" bradach sin. Bhí mé thoir annsin lá in éindigh le M. B. agus le S. Ó. C. agus J. N. Chaith mé an lá ag ól an lemonade: buidéal ar an bpionta leo-san. Chuir sé docht orm faoi dheireadh. Dheamhan deoir a bhí mé indon a dhéanamh thríom síos aige. Shíl mé go raibh mé réidh. Dubhairt D. liom a dhul amach agus an t-uisce a fhágáil ag scárdadh as an "tap" go ceann scathamh. Sin é an uair a tháinic sé

Tá docht ar a uisce. Ach ní measa rud eile. Sean-fhear ar bith a mbuailfidh sé sin é, is gearr é a shaoghal. B'fhéidir go mairfeadh sé bliain nó dhó leis, ach diabhal mórán thairis

Bhí stopainn ar a uisce, agus thug an dochtúr purgóid eicínt dó. Annsin bhuail docht fuail é = bhí stopainn ar an uisce nó go dtug an phurgóid fuascailt dó, ach tháinic sé annsin in a scáird chumasach

Sin é an chaoi a bhfuil sé sin go bhfóiridh Dia orainn! Rinne sé éagcóir eicínt air fhéin ag árdú clocha isteach igcarr annsin thiar cupla bliain ó shoin, agus tá stopainn ar an uisce ó shoin. 'Sé'n chaoi a mbíonn sé aige, stopainn agus docht fuail gacha le seachtain