téigh ag
1.
+–
Chuaidh ag an bhfonn ar an bhfaitíos air = dhá mhéad faitíos dhá raibh air roimh rud eicínt a dhéanamh, bhí ní ba mhó ná sin d'fhonn air a dhéanamh, agus rinne sé é aindeoin an fhaitís
Chaith sé an oíche ag forcabhás uirre, agus thob ann agus thob as aige, ach ní leigfeadh an faitíos dó drannadh léithe in a dheidh sin. Bhí an oíche dhá chaitheamh agus gan an mhaith dhá dhéanamh, nó gur thosuigh an bhainis ag scaipeadh ins an deireadh. Tháinig an jug timcheall agus d'ól sé dhá ghloine as. Annsin chuaidh ag an bhfonn ar an bhfaitíos air, agus anonn leis gur bhuail sé bleid uirre …
TUILLEADH (1) ▼
Is dona an fear thú feasta choidhchin. Bhí fonn ort a dhul isteach go bhfeicfeá céard a bhí ann, ach ní dheachaidh ag an bhfonn ar an bhfaitíos ort in a dheidh sin. Dhá mbeadh diabhail Ifrinn ann frén a chéile, ní bhacfaidís mise gan a dhul isteach dhá gcaithinn in mo cheann é. Ba bheag an baoghal
+–
Chuaidh ag an ngáire ar an ngol air 'nuair a chonnaic sé an ceann eile dhá bhualadh freisin
Chuaidh ag an Sasanach ar an nGearmánach ins an gcogadh deireadh, agus is cosamhail gurb amhlaidh a bhéas sé anois freisin. Beannacht Dé dhuit! Tá easarlaidheacht eicínt ag Sasana nach féidir a bualadh. Ní féidir muis
TUILLEADH (4) ▼
Nach ndeachaidh ag an gCondae seo ar Chiarraidhe anuiridh ins an "bhFootball". Tá buachaillí maith ins an gCondae seo féin fós
Bíodh ciall agad! Chuaidh ag Debhelera ar an gCoscarach le trí nó ceathair de "turnachaí" anois, agus ná ceap thusa go bhfuil dream ar bith eile indon cinneamhaint ar Debhelera. Níl muis agus ní bheidh le congnamh Dé
Chuaidh ag an ocras ar an náire, agus bhuail mé isteach idteach i leathtaobh an bhóthair agus d'iarr mé greim bidh in onóir Dé. "Níl aon-ghreim cháca bruithte ins an teach" adeir suaróigín bheag a bhí ann
Aindeoin cho mór agus atá sé léithe, ní chaithfeadh sé cianóig ruadh uirre. Bhí sé inG. annseo lá agus thug sé isteach i dteach bidh í. "Cé mhéad a thiocfas dhá dhinnéar orm" adeir sé leis an gcailín. "Coróin" adeir sí. "Agus dhá chupán tae" adeir sé, "leath-choróin" adeir sise. Shiubhail sé amach aríst. Ní leigfeadh an crádhas croidhe dhó dhá chupán tae féin a sheasamh. Nuair a chuaidh an crudh ar an tairnge, chuaidh ag an gcruas ar an ngrádh airsean. Is fada dhó a shaoghal ar chuma ar bith agus an cion atá ar an airgead aige
2.
·
Tá sé ag dul ag an dó = ag tarraint ar an dó a chlog
Féach freisin
→
ag