Bhuail sé dhá dhorna mé

Thosuigh sé ag gabhailt de dhornaí orm, agus fhobair gur chriog sé mé

Coinnigh do chuid dornaí agad féin anois

Má fhaghaim dorna ort déanfaidh mé aon-lá amháin díot a (s)cuirbín

Seas dorna dhom

Sheas sé amach uaidh agus thug sé a shean-dhorna dhó

Tá an-dorna aige = iarraidh de dhorna

Tá cuaifeach de dhorna aige = dorna dalba (fc. cuaifeach)

Is measa dorna uaidh ná iarraidh ó ord

Is beag an teacht aniar atá in a dhoirnín dona

Chuir sé an dorus isteach de dhorna

Cuirfidh mise codladh ort le dorna

Is measa an t-oirdín de dhorna atá aige siúd ná dhá bhfáighteá iarraidh de mháiléad

Leig de do chuid dornaí anois, nó má eirighimse agad cuirfidh mé luighe fiadha ort d'aon-phléisc amháin

Is iomdha créatúlacht a rinne sé ariamh. Ach b'fhurasta dhó agus an saoghal a bhí ann an uair sin. 'Séard a bhí ann sa saoghal sin: an fear ab fhearr dorna 'sé ab fhearr corna de'n fheoil

Is furasta dhó rud a bheith aige féin. Nuair a bhí an saoghal ar forbhás agus gan aon-dlí ann, thapuigh sé sin é, agus rinne sé bun. Cé a bhí indon aon-chaidéis a chuir air. Nach aige féin a bhí an chomhairle ar fad. Ba é an cás é: an té ab fhearr dorna ba é ab fhearr corna de'n fheoil

Má's cúrsaí de'n tsórt sin é, ní bheidh mise falamh ach an oiread le duine. Chreidim gurb é an fear is fhearr dorna gurb é is fhearr corna de'n fheoil annseo

Dhá gcuirtheá dorna beag de'n mhin mhór thríd sin anois, ní fhaca tú aon-bheatha go h-iomaí ag muca mar é. Diabhal mé go mbeidís i riocht a dhul ag an stealla faoi cheann cupla mí dhá bhfaghaidís é sin dhá cheann de ló

Chuir sí dorna de rud eicínt — mara gabhail é — thríd an bplúr, agus d'at sé suas é ar an dá luath agus ar cuireadh i mbácús é. Shíl mé nacharbh fhéidir gabhail ar bith a fháil anois

Bhí síol féir agam annseo arú anuiridh agus glaicín síol planndaí annsin a bhí mé a choinneál do T. Mh. Meastú nachar thosaigh na deabhaic de ghasúir sin ag cur dornaí de'n tsíol planndaí thríd an síol féir agus shuath siad thrín a chéile iad, agus chuir siad 'chaon cheann aca ó mhaith. Bhí mé ag gabhail orra an fhad agus a fuair mé teas in a gcraiceann, ach cé'n mhaith sin: dhéanfaidís ar an toirt aríst é

Dhá mbeitheá dhá lá do shaoghail in éindigh leis, sin é a cheird: ag déanamh dornaí méire

Rinne sé dorna méire leis an mbean a bhí roimhe amach ar an tsráid. D'ionntuigh sí thart agus dheamhan asna dhó nachar thosuigh ag sméideadh uirre. Lady mhór a bhí innte, de bhean bhreagh dhathamhail. Ní raibh faitíos ar bith orm féin, ach go bhfuigheadh sí tóigthe an bheirt againn. Ní raibh cás ar bith agam ann-san — 'sé a bhí sé a thuaradh dó féin ar aon-nós — ach ní raibh aon-dúil mhór agam féin a dhul sa "mBlackhole"

Leig de do chuid dornaí méire annseo anois. Cá'il an cailín a bhí anuiridh agad? Má bhí searbhónta agad i Sasana, bainfear as do chleachta annseo anois thú