Ní raibh aon ghangaide ann ach go raibh sé an-dea-chainteach mar sin. Sháródh sé críochnaithe thú scaití. Ní fhéadfá rud ar bith a rá nach mbéarfadh sé thall ar theanga ort

Ná caintigh ar bháisteach aríst go bhfeice tú ráithe ó inniu. Tá chuile dheoir san aer caite cheana aige, tá sin

Ní raibh a fhios ag deoraí an bhéil bheo go raibh an braon sin agam, mar níor chaintigh mé amach as mo bhéal air. Agus nach maith ina dhiaidh sin go raibh na póilíos in ann breith thall orm. Níl tada ag dul uathu. Tá siad suas le chuile ní

Is diabhaltach ach an oiread le scéal gur chaintigh sé chor ar bith air

Fuair mé fags agus ní den díogha a bhfuair mé ach oiread. Breathnaigh orthu sin. Togha an Gold Hake amach thar chuntar T. J. Dúirt mé leis nach nglacfainn na Poncánaigh; go raibh siad ródhaor, agus ar aon chor nach raibh siad ag taitneachtáil liom. Chuir sé a láimh isteach faoin gcuntar. ''Sé an bosca deireanach déanach é,' adeir sé. 'Tá mé do m'fholmhú féin. Ná caintigh le aon duine gur uaimse a fuair tú iad, nó sceanfadh ar eitigh mé ó thráthnóna mé'

Má dhíol siad an déirce féin, dheamhan a bhfuil dhíobh mar atá tuilleadh a bhí bocht agus a d'éirigh suas. Cuid den dream seo a fuineadh agus a fáisceadh as an mbochtaineacht, chomh luath agus a éiríos siad as an lathach chor ar bith, ní ligfidh siad orthu féin go bhfeicfidh siad thú. Ach iadsan, diabhal mé go bhfuil siad cainteach carthanach agus nach ndúnfaidh siad a súile ar aon duine, bocht ná saibhir

Ach cé uaidh a dtug siad an doicheall siúd chor ar bith. Bhí athair agus máthair shuáilceach chainteach acu sin. Is mór adéarfadh duine le galántacht, ach ní galántacht ar bith é, mar 'sé an chaoi chéanna a bhfuil siad le chuile dhuine

Tá sé sin an-dorcha ina dhiaidh sin. Níl sé cainteach chor ar bith

Nuair a d'iarr mé air é, níor mhian leis sásamh ar bith a thabhairt uaidh. Ba mhó dhá fhonn a bhí air go fada a dhul chun drochmhúineadh liom ach stán sé nuair a chaintigh mé ar na póilíos

Bhí a dhroim liom, ach mar sin féin, chonaic mé an lasadh a tháinig ann nuair a chaintigh mé ar Sheán

Má chloiseann tú ag dul thart go dtáinig sé dhá hiarraidh, ná caintigh ormsa, ná ná lig ort gur chuala tú tada ina thimpeall