drochfhear
—
+–
Drochfhear tí, drochfhear talúna, drochfhear capaill, drochfhear curaí, drochfhear láí, drochfhear siúil, drochfhear damhsa, drochfhear iomraimh; drochfhear farraige (drochbhádóir); drochfhear ban (drochfhear spallaíochta); drochfhear tí agus urláir, drochbhean aráin agus abhrais (drochbhean tí), srl.
Drochfhear óil — (i) gortach ag glaoch óil. (ii) gan aon acmhainn óil aige
TUILLEADH (23) ▼
Drochfhear siamsa — gan acmhainn siamsa aige; gan aon taitneamh aige i siamsa
Drochfhear ceoil — gan aon spéis i gceol; gan aon mhaith leis ag casadh nó ag seinm cheoil
Drochfhear feamainne — gan aon tsaint i bhfeamainn, nó é go dona ar fháiteall na feamainne
Drochfhear Gaillimhe — fear nach mbeadh aon rath air le cur go Gaillimh ag iarraidh teachtaireachta; fear nach mbeadh aon rath air ag dul ag carraeireacht go Gaillimh
Drochfhear cladaigh — gan aon mhaith leis i gcladach, i dtrá fheamainne srl.
Drochfhear tórraíochaí — ní bheadh aon luí aige le dhul ar thórraíochaí
Drochfhear bleáin — gan aon chúis ag bleán bheathach
Drochfhear amhráin — gan aon mhaith ag gabháil fhoinn
Drochbhean scéalta — gan bua na scéalaíochta; gan í a bheith tucarach do bhéadán ná do choiriúint
Drochfhear leabthan — mochóireach maith, nó duine beagchodlatach
Drochfhear garraí — talmhaí beagmhaitheasach
Drochfhear cumadóireachta — gan aon mhaith leis ag cur craicinn ar mhionbhréaga; ach droch-chumadóir — (i) bréagadóir paiteanta nó (ii) gan rath gan ríocht ag cumadh (fc. drochghadaí)
Drochfhear aifrinn — faillitheach ag dul chuig an aifreann
Drochfhear aonaigh — go dona ag díol agus ag ceannacht
Drochfhear claíochaí — fear nach mbioródh a chuid claíochaí
Drochfhear coinnleoireachta — nach mbeadh aon mhaith leis ag coinnleoireacht
Drochfhear cleamhnais — gan aon mhaith ag déanamh cleamhnais, nó ag téisclim i gcomhair cleamhnais
Drochfhear capaill — fear agus gan aon chúis leis ag cinnireacht nó ag baint ceart de chapall
Drochfhear rástaí — nach mbeadh aon tóir aige a dhul ar rástaí
Drochfhear páipéir nuaíocht — fear nach mbeadh aon ghnaithe aige do pháipéir nuaíocht; nach mbeadh in ann a léite; nó nach mbeadh in ann aon mheabhair a bhaint astu
Drochfhear cuartaíochta — nach mbeadh aon luiteamas aige le cuartaíocht, nó a mbeifí ag magadh faoi i dteach cuartaíochta srl.
Drochfhear feola — nach mbeadh tóiriúil ar fheoil
Drochfhear ragairne — nach mbeadh aon acmhainn aige ar ragairne
Féach freisin
→
fear
drochfhear in iontrálacha eile (2)
→
diaidh
Rinne sé sin ar fad, agus cuid mhaith leis, ach ina dhiaidh sin féin, ní drochfhear é, don té a bhfuil sé leis. An bhfeiceann tú a mhuintir féin ansin thiar, agus níl duine ar an bhfeadhain acu nach bhfuil teach nua ceann scláta os a chionn, gan sciúrtóig ariamh a chailleadh leis. Thabharfainnse fear maith ar fhear ar bith nach bhfágfaidh a dhuine féin ar deireadh
→
dreancán
Dhá mba drisín ná dreancán a bheadh inti is mór adéarfadh duine, ach níorbh ea muis ach an bhean is geanúla a shiúil talamh ná féar ariamh. Ar ndóigh is ar a leithide a bhuailfí an drochfhear!