Dreancaideach
—aidiacht as dreancaid
—
ithte le dreancaidí; faoi dhreancaidí; dreancaidí nó troigheadáin a bheith ann.
a.
+–
Mharbhóchadh sé thú le onóir agus suimeamhlacht, ach b'fhéidir gur maith dreancaideach í a leabaidh in a dheidh sin
Ar chuala tú céard adubhairt N. Ph. faoi Mh. Sh. Sh.?: "níl fata in a gharrdha; níl gráinne mine in a chómhra; níl caorán in a chlúid; leabaidh dhreancaideach í a leabaidh; agus tá an t-áirleacan caithte ó a chuaidh sé i gcíonn tighe." Ní raibh léigheamh ná innseacht scéil ag N. ag díbliú ar dhuine ar bith nach mbeadh aon-ghnaoi aige air
TUILLEADH (1) ▼
Sin é, ar chaoi ar bith, nach bhfuil an scríobadh ag coinneál leis an tochas aige. Rud an-dreancaideach é
b.
salach, brocach, suarach, gágach, dona.
+–
Scread mhaidne ar a cúl dreancaideach mara leitheadach í!
Ruidín míolach dreancaideach é
TUILLEADH (4) ▼
Ab é an ruidín dreancaideach sin a dhul ag pósadh! Is dona na gnaithí a bheadh ar bhean ar bith a ghabhfadh dhá phósadh
Teach fuar falamh dreancaideach atá aige
Níl na gabhair féin i ndon maireachtáil ar an mbaile dreancaideach sin thiar
Díol an t-asal dreancaideach sin as an mbealach. Is mór an uais é
Féach freisin
Dreancaideach in iontrálacha eile (8)
→
draoi
'Bhfeiceann tú na míola sin a bhíos ins an snáthmara. Sin iad na dreancaidí mara. Bhí an draoi breacach aca thíos annsin thíos imbliana ar an gconuas feamainn tirm a d'fhan d'fhuighleach ormsa.
+
"Bhí mé idteach aréir agus bhí clampar ann; Bhí cearca agus géabha agus lachain ann; Bhí an bháisteach anuas thrí mhullach an tighe; Agus níor chodail mé néal ag dreancaidí." (Rann a rinne fear nachar thaitnigh an t-óstachas leis a fuair sé idteach eicínt. Leagtar ar Rafteri é amanntaí)
TUILLEADH (6) ▼
Níor chleacht sé tada ariamh ach míola agus dreancaidí agus sneáidh
Tugadh soir annseo iad, nuair a bhí an aicíd sin in ainm agus a bheith san áit, nó gur baineadh na dreancaidí asta. Ní fhéadfaidís siúd gan a bheith ithte leo, agus cho salach brocach agus a mbíonn 'chuile shnáth dhá mbíonn orra. Mhaithfeá do Dhia gan an léine atá air anois a fheiceál. 'Sí an rud is sailighe í dhá bhfaca mo shúil ariamh
Chas sé dreancaidí liomsa. Chreidim gurb é an chéad rud a tháinic in a bhéal é. Níor thug mé féin áird ar bith air, ach a rádh nach maith an tsamhail a theigheas ibhfad. 'Chuile shórt ach dreancaidí; agus gurb aige fhéin is an bpruchóigín de theach siúd atá máithreach na ndreancaidí. 'Seadh inDomhnach
Teann anuas as an spréidhmhóin sin nó beidh siad ag imeacht in do chrioslaigh agad. Dreancaidí. Sin í máithreach na ndreancaidí a mhic ó!
Beithidhigh ar an gC.! Bíodh unsa céille agad! Dreancaidí an t-eallach is fairsinge atá annsin, marar athruigh sé ó bhínnse ag tarraint ann
Tá an cosamar feamainne siúd ionann agus lobhtha. Ní tada atá go fairsing innte ach dreancaidí mara. Tá sí druidthe leo