Dramhsach
—aidiacht
—
caillte, meathta, dona, truaillighthe, feidheartha, sa ngearradh dhíob.
+–
Tá sé in a shean-fhear dhramhsach dhona = meathta, truaillighthe, tugtha uaidh
Muise a Dhia dhá thárrtháil! Nach dramhsach an cleiteacháinín a bhí ag iarraidh achrainn istigh imbaile an bhfuil "bullies" ann mar an baile sin. Ach is dóigh gur spóirt a fuair siad air. Níorbh fhiú d'aonduine a dhul ag fiachadh air. Fághadh sé a chonra, 'sé is goire do leas dhó, agus ní achrann
TUILLEADH (3) ▼
Is dramhsach dona an tsuaróigín do bhean a casadh air, faoi dheireadh thiar, léis (tar éis) a raibh de ghoittí aige. Go deimhin is gearr an bás uaithe, nó tá sí féin agus a cosamhlacht in aghaidh a chéile
Is cuma dhó céard a dhéanfas a shaoghal anois, agus cho dramhsach caillte agus atá sé. Má tá airgead aige, baineadh siar as é, dhá shaothrú
Nach dona na laoghantaí atá ag teacht ó'n tarbh sin thuas. Breathnuigh ar an laoighdín sin ag S. Ph. Nach dramhsach éidtreoireach an feithideach é. Ní sháróchaidh sé an Márta choidhchin mara bhfaghaidh sé an-aire de'n domhan