Dheamhan mórán ainnis a bhí inti nó gur phós sí, ach chuaigh sí chun deiseacht ó shin

Ní den deiseacht an ruacha. Déarfadh J., go ndéana Dia grásta air, nár moladh bean rua ar a breácha ariamh

Is beag an deiseacht chor ar bith an bhó siúd a cheannaigh sé. M'anam go gceapfainnse nach taobh leis an aois sin atá sí — an aois adúirt siad

Théis a raibh de cháil uirthi, is beag an deiseacht í. Ní thabharfainn cnaipe gan chois uirthi dhá mbeadh an braitín púdair siúd scríobtha di

Níl mórán deiseachta ar bith timpeall an tí aige; pabhsaes ná eile. Chuir sé cupla crainnín bheaga ghiobacha anuraidh, ach ba ghearr go raibh ite dhíobh aníos ón ngrinneall ag asail. 'Siad a bhí deas air ar ndóigh

Ní deiseacht mhór do bhean ar bith an earra dhearg sin a chur ar a béal. Cuireann siad iad féin as a slacht leis. Bean ar bith a bhfuil an deiseacht inti, is dhá uireasa sin é ar chaoi ar bith

Sin í an bhó a bhfuil an deiseacht inti, an chéileog sin ag M. Mh. Bó bhreá fheiceálach í, bail ó Dhia uirthi!