Duine dímheabhrach nach mba léir dó dhá gcuireadh sé stró ar bith ar ghamhain a bhí chomh beaite leis sin, go bplúchfadh sé é. A phlúchadh a rinne sé: dheamhan ceo eile. Nuair nach raibh sé ag tabhairt leis an deoch dhá thoil deona fhéin, bhí aige ligint dó ar fad, agus gan a dhul dhá choinneáil leis

Duine dall dímheabhrach é más fearr mac T. Mh. ná é, agus dhá bhliain aigesean ar mhac T. Mh. agus é síoraí ag dul chuig an scoil

Nach dímheabhrach é mura raibh sé in ann an cheist sin a fhuascailt. Más mé féin is dímheabhraí ar bith, d'fhuasclóinn í sin

Déarfainn ar chaoi ar bith, nach mbeadh aon ghnaithe ag duine dímheabhrach ag plé leis an iongás siúd. Bhí an iomarca boltaí agus cnónnaí agus wireíní air, agus mura láimhsíodh duine an ceann ceart, ba in é a mbeadh faoi. Ní fhágfadh an rud siúd mion mullóg dhó le chéile dhá bpléascadh sé

Théis gur timpeall air atá tabhairt amach na mbáid, ní fhaca mé aon fhear ariamh is dímheabhraí ar bháid ná é. Níl a fhios aige a dhath ina dtimpeall

Dheamhan dochtúr faoi sheacht ranna an domhain is dímheabhraí ná é. Bhí sé chomh maith dhuit fear den bhaile a thabhairt ag breathnú ort leis

Nach dímheabhrach anois é nach raibh a fhios aige céard a bhí ar an gcarr agus an fhad is atá sé ag plé leo!