Tá sé chomh dólom inniu agus atá mise, théis a liachtaí airgead a chuaigh thrína lámha ariamh. Ba dona é faoi freisin. Ach deir siad gur mairg a bheadh go holc agus go bocht ina dhiaidh

Cá bhfaigheadh sí sin céad punt spré dá hinín agus í dólom. Tá sí chomh bocht le ní mé cé hé

Ara beannacht Dé dhuit, tá an áit sin dólom ar fad. Níl slí ná fáltas ann. Cén chaoi a mbeadh agus chomh maolscreamhach agus atá an droim siúd soir ar chúla na dtithe. Níl cion píosa talúna ar a fhuaid, ach leac ar fad. Sin é an méid

Bíodh unsa céille agat. Ar ndóigh níl slí do choise de thalamh istigh ar do bhaile, agus an méid sin féin dólom. An dtabharfá talamh ar na breaclachaí siúd taobh thiar. Ní thabharfainnse ar chaoi ar bith

Ní fhaca mé aon fhear ariamh ag plé leis an gceird chéanna nach dólom a bheadh sé as a dheireadh. Breathnaigh thú féin orthu, agus bréagnaigh mé má fhéadann tú. Gabhfaidh sé rite leat

Níl sé chomh dólom críochnaithe agus atá an deartháir, ach dheamhan mórán le reic aige ach an oiread. Agus tá lán púirín na hátha de mhuirín ar an duine bocht