téigh síos le
1.
·
Ní raibh do chuid cainte ag dul síos leis chor ar bith — ag taitneachtáil. B'fhéidir gur Béarlachas é — going down with him
2.
+–
Ní raibh ag dul síos leis ach damhsa agus ól agus ragairne agus ba dona a chuaigh siad dó as a dheireadh, ní dhá roinnt leis é — ní raibh ag cur imní air; ba é mian a chroí é. Ní mheasaim gur Béarlachas é sin ar aon nós. Tá sé ag dream nach bhfuil fuíoll Béarla dhá laghad ar a gcuid cainte
'Sé a raibh ag dul síos leis san am sin, í sin a fháil le pósadh. Ní raibh splanc aige ina diaidh. Ach d'imigh sí agus phós sí fear eile agus d'fhága sí ar an trá thirim é
TUILLEADH (7) ▼
Níl ag dul síos leis — 'sé a bhfuil ag dul idir é agus codladh na hoíche — ach mótarbicycle a fháil, go bhféada sé an tír a shiúl
Ní raibh ag dul síos linn an uair sin ach ceol agus spóirt agus mí-ádh. Dhá gcloiseadh muid go mbeadh damhsa áit ar bith idir seo agus U. níorbh fhéidir muid a choinneáil as. Nach é an cnáimh a lúb ó shin! Is furasta a (ár) ndóthain damhsa a thabhairt dúinn anois faraor
Sin í an óige agat i gcónaí! Ní bhíonn ag dul síos léithe ach macnas agus meanmna agus éirí in airde. An dtabharfá milleán dóibh. Bhí tú féin óg scaitheamh. Is iomaí lá ag an reilig orainn a mhic ó
Tá suim mhór aige siúd in do chuid féir go deimhin! Nach bhfuil a fhios ag do chroí istigh nach in éadan féir a ghabhfas sé siúd Dé Domhnaigh dhuit. Dheamhan é, dhá lobhadh sé sa tsraith. Tá mé siúráilte nach bhfuil ag dul síos leis ach féar muis!
Ní raibh ag dul síos léithe sin ó bhí sí ina malrach ach a cuid leabhar, agus tá a shliocht uirthi. Tá sí amuigh ina máistreás scoile anois
Sách fada a bhí sé le díth céille. Níl ag dul síos leis anois ach airgead. Mura bhfuil féin, 'sí a leasmháthair a thógfadh sin air. 'Sé an t-airgead an dia beag atá acu uilig
Ní raibh ag dul síos leis an antlachán sin aon lá ariamh ach talamh talamh. Chuirfeadh sé baintreach a mbeadh lán púirín na hátha de mhuirín uirthi de dhroim tí dhá mbeadh a fhios aige go bhféadfadh sé a dhéanamh. Ar ndóigh d'fhéach sé leis cheana agus chinn sé air. Is beag an tsúil le Dia é duine a bhíos ar a cheird