Fáisc ar do dhruim é

Buail ar do dhruim an máilín seo

Sin í an cheird a fhágfas an mála aniar ar a dhruim = sin í an obair a fhágfas ag iarraidh na déirce é

Chuir sí an mála ar a dhruím = bhánuigh sí é

An len a dhruim atá sé dhá cur aníos. Má's eadh is meathta an obair í. B'fhearr liom rud ar bith faoi'n domhan a thabhairt liom ar mo dhruím ná feamainn

Ní fhéadfá a iomchur le do dhruím. Tá an t-aistear ro-fhada, agus gan cinneadh go deo le gainea(mh), bíonn an oiread sin meadhchain ann. Is suarach an blas a bheadh ag Tom ort cheapfainn, dhá n-abruighthí leis a dhul ag tarraint len a dhruím

Nach gcaithfidh siad treabhadh nó tiomáilt (tiomáint) a dhéanamh: í a tharraint len a ndruím, nó a fágáil ar an bportach, nuair nach bhfuil aon-bhealach cairr ann, ná fiú agus bealach asail féin

Mara n-iomchruighidh tú faoi do dhruim é, meastú cé'n chaoi a bhféadfaidh tú a iomchur. Nach gcaithfidh muid 'chuile shórt a iomchur faoin a' (ar) ndruím annseo. 'Deile cé'n bealach atá againn

Níl aon-chapall ins na bólaí seo indon an oiread sin a iomchur faoin a druim. Is iomdha capall a tharraingeochadh i gcarr é

Ní raibh fáisceadh-faoi ar bith istigh againn, agus bhí an leac ro-éadtrom faoin a druim (druim an chapaill), agus b'éigin do dhuine againn suidhe amuigh chun tosaigh uirre (ar an leic) leis an gcarr a choinneál ó'n a dhul siar ar a sháil = ní raibh a dóthain meadhchain ins an leic amach idtosach an chairr, in aice le druim an chapaill

Ní mór duit na leath-bhairillí sin a choinneál amach go maith faoin a druim, nó eireochaidh an carr ort … Sin é é. Amach go maith chun tosaigh

Tá tromlach an ualaigh thiar chun deireadh, agus gan brigh amach faoin a druím. Is ar a chruadh-chúis di tarraint in aghaidh na n-árda leis

Bhí siad ar fad coiglighthe thiar indeireadh an "traipín" agus gan tada faoi dhruim an chapaill. 'Ar ndú' chaithfeadh sí cliseadh ins na h-árda. Badh é an t-iongantas é, nach ndeachaidh an traip druim ar ais uiliog

Is beag an t-ualach a mbeadh tuirsiú mo dhroma-sa anois ann, ní ag ceasacht ar Dhia é. Ní raibh mé lá eile mar sin. Ach caitheann an aois a cuid féin a fháil

Buail ort é. Cuirfidh mise geall leat nach beag leat é, ach a n-iomchruighidh tú leath-mhíle é. Is trom cearc i bhfad adeir siad. Is beag an rud é sáith droma duine

Tá an craiceann bainte dhá dhruím indiu ar aon-chor. Tuilleadh glugair aige anois! Is fadó cheana nach raibh sé ar a mhine-ghéire cho mór sin

Siúd é an áit a mbainfí an craiceann de do dhruím. Diabhal bréag nach hé … Dheamhan pighinn a bhéas dhá bharr agad ach pighinn a bhéas saothruighthe. Deirimse leat go mbeidh

Dheamhan duine a ghabhfas ag obair annsin ach an té atá ag iarraidh an craiceann a bhaint dhá dhruim. Beidh tú in do chuid alluis ann ó thosóchas tú ar maidin go scuiridh tú trathnóna

Níl mé indon mé féin a dhíriú chor ar bith le tinneas droma le cupla lá. Tá mé thart aige. Neamh-chleachta a rinne é, is dóigh. Níor chuir mise aon tsúileoig fhataí le dhá bhliain déag go dtí an tseachtain seo caithte. Diabhal bréag nach maith a shaothruigheas an druim an bolg, ar chuma ar bith

Ní raibh "aon-lorries" ná aon-charrannaí ann an uair sin. Chaithfidís a gcuid earradh a thabhairt leo ar a ndruim nó déanamh dhá fuireasbhaidh. Ar chuala tú ariamh é, is maith a shaothruigheas an druím an bolg. Ba shin é a fhearacht aca ins an ám sin é

Sin é adeireadh sí i gcomhnaí: is maith a shaothruigheas an druim an bolg, agus í ag dul suas len a leath-chloich mhine ó'n D. Leigeadh sí tuairim agus céad scíth fúithe sin féin, ó d'fhágadh sí an D. go mbíodh sí ins an mbaile

Diabhal bréag nach saothruighthe an mhóin í, nuair a bhéas sí amuigh ar an mbóthar aca len a ndruim. Ach níl aon-cheo eile ag na daoine ach an ghlaicín mhóna sin anois. Marach í, nach mbeadh muid in ainriocht ar fad. Deir siad gur maith a shaothruigheas an druim an bolg. Is maith freisin

'Ar ndú' ní ag ceapadh atá tú go dtiocfaidh do bheatha ó Neamh agad annseo. Caithfidh tú a dhul amach agus leagan ort féin. Mara dteighidh 'sé do bholg féin a bhéas siar leis. Is maith a shaothruigheas an druím an bolg, bíodh a fhios agad

Níor mhiste liom beirthe é marach an deis atá ar mo dhruim. Tá sí faoi phianta ar fad. Dar mo choinsias tá mo dhruím-sa ag saothrú mo bhuilg ar an aimsir seo

Deirimse leatsa go bhfuil obair chruadh ar na dugaeraí sin ag iomchur málaí troma amach as soithigh. Hébrí cé'n pháighe a fhaghas siad is maith an aghaidh orra é. Dheamhan an seasfainn leath-lae choidhchin ann. Bíonn beatha ar foghnamh aca, ach ní mór dóibh sin. Saothruigheann an druim an bolg ar aon-chor

Níl aon-drugall aice sin roimh an gcliabh. Bean dícheallach í. Ach 'ar ndú, sé moladh na mná óige an druim a bheith fliuch aice, adeir siad

Tá sé ráite a mh'anam: sé moladh na mná óige an druim a bheith fliuch aice. Dar príosta muise, is beag aca atá molta anois mar sin, mar is duine sé nó seachráin aca a bhfuil a ndruim fliuch. Ní thiúrfaidh siad an tsiocair dhóib féin

Chonnaic mise é sin ag imeacht agus gan falach léine ar a dhruim. Is maith postamhail indiu é

Ní fhágfaidís an léine ar do dhruím dá bhféadaidís = bhánóchaidís thú

'Sé a mbeadh uaidh an léine a bhaint de mo dhruím dhá gceapadh sé go rithfeadh leis = mé a bhochtú críochnuighthe

Beidh siad ar siubhal anois go mbainidh siad an léine de do dhruím. Is ait a bhéas tú ar do mhaidí nó bainfidh

Chaith siad in a bhun ariamh ariamh nó gur bhain siad an léine dhá dhruím. Tuilleadh ghéar de'n diabhal aige a d'éist leo!

Níl fiú agus na léine anois ar a dhruím len a bhfuil cáillte aige leis an mac sin, agus gan ceo dhá bharr aige in a dheidh sin. Is bocht an chaoi dhó é

Dírigh suas thú féin agus buail faoi. An bhfuil smior ar bith i gcnáimh do dhroma?

Airighim driog eicínt isteach in alt mo dhroma, maran tinneas droma atá ag siocadh liom aríst, ní ag tabhairt gutha air é.

Anuas annsin díreach ar alt an droma a fuair mé é. Shíl mé go raibh mo chreach déanta

Brisfidh mé do dhruím, mara leigidh tú de do chuid geabsaireacht'

Tá tinneas drama (droma) orm = tinneas in do dhruím de bharr a bheith cromta nó a leithide, lumbago

An bhfaca tú ag dul a chodladh ariamh é. Indiaidh a dhroma a theigheas sé isteach ins an leabaidh = a dhruím a chur isteach idtosach

Aindeoin ar tharraing sé de dhlighe agus de chlampar ariamh faoi'n riasc sin thuas, níl aige anois ach leithead a dhroma dhe. Nach mairg a bheadh teann, a Thighearna agus gan do shaoghal ach gearr!

Tá ar ndóthain talmhana againn. Cé'n ghnatha a bheadh againn dó. Má fhaghann muid leithead a' (ar) ndroma dhe bíodh muid buidheach … i bhfad uainn an anachain is mór a bháidhtear nó a dhóightear

Tá mo chuid talmhan-sa ar iarraidh anois, a mhuirnín. Ní iarrfaidh mise aríst go bráth dhe ach leithead mo dhroma. Dheamhan a dhath eile

Bhí an-chaitheamh in diaidh an bhaile aige go dtí an lá a ndeachaidh sé idtalamh. Chuaidh mise ag breathnú air seachtain shul a fuair sé bás. Ní raibh de leath-rann aige ach an baile. "Is caillte an rud do shúile a dhúnadh i dtír bhradach na deataighe seo" adeireadh sé. "Níor bhás liom mo bhás, dhá bhfaghainn leithead mo dhroma de thalamh glas na h-Éireann". Ní bhfuair, an duine bocht

Mara n-eirighidh tú as do chuid míoladóireacht' liomsa, is maith gasta a bhéas mé ag tabhairt leithead do dhroma de'n urlár sin duit, deirimse leat

Thug sé sin leithead a ndroma d'fhir ab fhearr ná eisean.

Is maith fairsing an seaicéad a bheadh leithead a dhroma siúd.

Leabaidh ar bith a bheadh leithead a dhroma siúd, níorbh fhuláir di méid a bheith innte. Nach geall le clár comhra é, bail ó Dhia agus ó Mhuire air.

Ní thiocfadh sé isteach ins an dorus sin thoir. Ba bheag an baoghal a bheadh air. Ní bheadh leithead a dhroma ann

Bhí sé ag imeacht agus a dhruim liom.

Chodail sé agus a dhruim liom

Ná cuir do dhruim liom mar sin

Is mór an droch-mheas ar dhuine ar bith é sin: go gcuirfeá do dhruim leis

Chuir mé mo dhruim leis an abhainn agus thug mé an casán eile orm fhéin = d'ionntuigh mé ó chasán na h-aibhne

Shílfeá go bhfuil do dhruim le balla agad bail ó Dhia ort = leigthe isteach ar bhalla agus t'aghaidh amach

Ní shásóchadh rud ar bith é aon-oíche ins an mbliain, mara dteigheadh sé soir annsin soir ag cuir a dhruim le coirnéil. Níl samhail ar bith anois aige ach na stucairí coirnéil a d'fheicfeá i nG.

Bhí a dhruim leis an gcoca féir aige agus é dhá cláradh

Caitheann siad an oíche annsin thíos agus a ndruím le claidhe aca. Dheamhan mé gur beag an dochar dhóib slaghdán féin a tholgadh, agus iad dhá ndeallrughadh féin mar sin i gcomhnaí

Cuir do dhruim le leachta agus b'fhéidir go bhféadfá é a dheargadh. Nach diabhaltaí an sinneán atá ann

Bhí mo dhruim leis an ngaoith anoir agus má bhí féin, bhí sí do mo tholladh. Ba cháillte an lá é — ba chaillte sin

Ní beo é mara mbeidh a dhruim le teine aige mar sin i gcomhnaí. Ach b'fhéidir gurb é a chríonnacht atá sé a dhéanamh. Deireadh na seandaoine go mb'fhearr goradh cúl-cos ná céad bó ar chnoc

Is fada an lá mé ag gealladh go dtiubharfainn mo dhruím do'n ól, ach tá sé déanta agam faoi dheireadh. Is fhearr go deireannach ná go bráth 'ar ndú'

Ní thiubharfaidh sé a dhruim di sin go sleibhe. Bhí sé cho maith dhóib gan cur chuige nó uaidh anois, mar ní thiubharfaidh sé toradh ar bith orra. A chomhairle féin do mhac dhanardha agus ní bhfuair sé ariamh níos measa

B'fhearr dó go fada a dhruim a thabhairt do'n áit sin, agus gan é a thaobhachtáil beag ná mór. Tá siad ag cur dallach dubh air ann. Ach ní fhaghann duine ar bith a chomhairleachan in aisce, adeir siad

Shílfeá gur thug sé a dhruím uiliog do'n teach seo thíos le tamall. Tá faitíos orm nach in am a rinne sé é. Tháinic ciall cheannuighthe dhó faoi dheireadh agus faoi dhó (dheoidh)

Tá a dhruim tugtha aige do'n scoil, agus fear is píce ní chuirfeadh amach ann anois é.

Tá a bholg thiar in a dhruim. Is cosamhail nach bhfaghann an duine bocht a leath-dhíol le n-ithe. Nach bhfuil lán púirthín na h-átha de mhuirín air. Caithfidh fear na muiríne móire an greim a bhaint as a bhéal féin i gcomhnaí len a chur i mbéal na bpáistí. Deir siad nachar bhris cearc an áil a h-iogán ariamh

Tá mo bholg thiar in mo dhruim agam ag imeacht ar phutógaí falamha ó mhaidin indiu. Dheamhan thiomanta greim deoch, ná blogam a chuaidh ar mo bhéal ó d'imigh mé as seo ar maidin. Nach bhfuil ceart agam ocras féin a bheith orm

Teagann sé abhaile 'chuile phuínte agus a bholg thiar in a dhruim aige leis an ocras. Chaithfeadh sé go bhfuil an ghearradh-ghíonnach air, nó rud eicínt. D'íosfadh sé deoladh 'chuile ré soluis

Is diachta dhuit do bholg a bheith thiar in do dhruim agad ar scáth an t-achar ó d'ith tú gliúrach (gleorach) cheana. Is maith an dicheall do dhuine beatha a choinneál caithte agad

Ní bhfuair mé tochas mo dhroma d'obair le bliain go leith, ach ag forcabhás ar an dole bradach sin. Má seadh féin, is meathta an cheird sin.

Go dtugaidh Dia ciall duit. Ní thiubharfad sí tochas a dhroma dhó. Dheamhan é

Ba mhaith teann é scathamh ach níl tochas a dhroma aige anois

Tháinig sé annseo thoir ins an samhradh anuiridh. Chuaidh cúigear nó seisear againn soir aige, ag iarraidh oibre air. Gheall sé dhuinn go ndéanfadh sé cat agus dá rioball ach a dteigheadh sé go Baile Átha Cliath. Ach ní bhfuair muid tochas a (ar) ndroma ó shoin. Scéal ná scuan féin níor chuir sé chugainn

Fuair tú amach muis, cé a bheadh grádh-diadhamhail. Ní thiubharfadh sé tochas do dhroma dhuit, dhá gcaiththeá a dhul a chodladh in do throscadh. Agamsa atá a fhios é.

Dá mbeitheá ag dilleoireacht anois go h-eádarshuth ambáireach ní thiubharfaidh mise oiread tochas do dhroma dhuit. Mar sin, is fhearr duit eirghe as in am. Níl maith ar bith é a chur i bhfad scéil. Dheamhan a dhath

Tá sé ar dhruim na muice anois agus 'sé an ceann céadna é a fhanóchas ann nó is cinneamhaint air é

Bhí sé ar dhruim na muice má b'fhíor dhó féin 'nuair a phós sé í sin, ach in a leabaidh sin, 'sé bóthar na muice báine amach atá sé a fháil anois. Ní de'n chríonnacht an chínnteacht i gcomhnaí — ní h-eadh sin

Tá léithe anois. Tá sí ar dhruim na muice má tá an mac ins an mbaile aice. Is fada ag tnuthán í go dtiocfadh sé

Níor fhága an ceann céadna bonn bán ar aonduine a raibh sé ag plé ariamh leis. Agus is dona an deis atá sé a chur air anois: ag imeacht dhá ól le súdairí. Ach an rud a chruinnighthear ar dhruim an diabhail, imigheann sé ar a bholg

Ar chuala tú ariamh é an rud a chruinnigheas duine ar dhruim an diabhail, caitheann sé ar a bholg é. Sin é a fhearacht ag J. anois é. Ní hé leath-chóir Dé é go bhfuil an mac ag ól mar atá sé. Chaithfeadh Dia é féin a fhoillsiú air, ar chaoi eicínt, agus a liachtaí pighinn cham a bhain sé amach ins an siopa sin ariamh. Ní raibh aon-chneamhaire gan chrochadh ach é sin. Nachar chuir sé faoi ndeara do D. Bh. N. annsin thiar fiacha a íoc faoi dhó

Agus tá an inghean ag dul ag pósadh an spreallaire sin th'éis a bhfuil de mhílte aice. Cé'n chaoi a dtaithnigheann sin leis an athair. Ní cheapfainn go mbeadh aon-ghnaoi mhór aige air siúd mar chliamhain. Déanfaidh sé aithgiorra an chuit thríd an ngríosaigh ar spré na h-inghine. Ach tuilleadh diabhail ag an athair. Ní bheadh Dia thuas nó d'agróchadh sé air é. Chaith sé a shaoghal ag sladadh dílleachtaí agus baintreachaí agus daoine dona. Anois b'fhéidir go dtiocfadh sé ar ais ar a mhéis féin chuige. Is gearr a bhéas an cliamhain siúd ag dul thrín a chuid mílte. Deir siad an rud a chruinnighthear ar dhruim an diabhail go n-imigheann sé ar a bholg. Is olc í eascainí baintrighe. Is dual di fearadh i gcomhnaí

Mhairfeadh sé sin ar dhruim an diabhail lá agus gur fhéad sé maireachtáil ab uil siad sin. Ní bhainfeadh aon-duine eile faoi'n mbogha gréine ceart díob ach é féin. Dar mo choinsias bhain agus ceart maith.

An fheamainn bhuidhe sin bhainfeadh sí fataí de dhruim an diabhail. Cheannaigh mé lucht di ó fhear aniar amach an bhliain cheana, agus leasuigh mé garrdha Dh. Fh. annsin thuas léithe. Níl aon-bhliain roimhe sin le mo ghéar-chuímne dhá raibh sé faoi fhataí nachar loic siad. Beannacht Dé dhuit a mhic ó, bhí an-bharr air. Dheamhan thiomanta fata dhá raibh ann nach raibh cho mór le gruadhán cloiche. Dar príosta leasóchaidh mé aríst imbliana léithe é, má eirigheann lucht di liom in áit ar bith

Dar diaguidhe, dhéanfadh an cráidhteachán sin slí amach ar dhruim an diabhail, ní hé amháin a mhalrait. Bean ar bith a bhí ag cur trí scóir uibheacha go G. chuile Shatharn dhá n-eirigheadh ar a súil an geimhreadh seo (gha)bh thart! Sin í an cailín nach ndrannann Seascach na gCearc len a cuid cearc. Ní hé sin do chuid eile againn muis. Ní raibh ubh le cur ar a mbéal againn ó lá 'eil Míchil go Lá 'eil Bríde

Tá fear R. an Mh. ag maireachtáil ar dhruim an diabhail. Níl tada timcheall air ach leacrachaí. An teirgéis talmhan' atá aige, níl spreab ar doimhneacht ann. An cladach féin atá ann, tá sé cho lom cho feidheartha le croidhe do bhoise. Níl an fheamainn ná an cairrgín ná tada eile ann, ach cuid an bheagáin. Níl a fhios agamsa faoi mo righe cé'n chaoi a maireann duine ar bith i R. an Mh., tá an áit cho maoilscreamhach cho bocht sin. Diabhal mé in a dheidh sin nach bhfeicfeá cheal ar bith orra shílfeá: ach níor dhúin Dia ariamh bearna nach n-osclóchadh sé ceann eile

Fear ar bith atá istigh ar an mbaile sin, tá sé ar dhruim an diabhail críochnuighthe. Tá paca amhus ann, nach bhfuightheá a leithidí eile dhá gcuirtheá slat chruínn ar Éirinn. Ní dhéanfadh duine ar bith thar baile amach cúis annsin ach duine a mbeadh féith ó L. (teallach éigcéill mí-chliúiteamhail atá ins an áit) ann. Duine a sclamhfadh, agus a changlóchadh, agus a sháithfeadh agus a mhartróchadh faoi agus thairis …

Ní hé 'chuile fhigheadóir atá indon figheachán dhruim an ronnaigh a dhéanamh. D'fheicfeá culaith de'n fhigheachán sin igcomhnaí ar Ch. 'Ar ndú' tá a chliamhain annsiúd thiar in a fhigheadóir mhaith

Is deas slachtar an chulaith cheann-asna atá ar J. Th., agus figheachán dhruim an ronnaigh uirre. Is annamh a d'fheicfeá an figheachán sin anois chor ar bith

Ná bac le uair ar bith a bhfeicfidh tú spéir dhruim an ronnaigh. Ba mhó go mór a thaithneochadh an oíche aréir liom th'éis cho giobach agus a bhí na clabhtaí.

Shílfeá go bhfuil druím an ronnaigh thuas aríst. Tuilleadh de'n droch-uair, ní ag ceasacht ar Dhia é

Tá an-chol agam le spéir dhruim an ronnaigh sin. Ní bheadh a fhios agad céard adéarfá léithe. Sílim féin go bhfuil an aimsir ag tarraint

B'annamh liom muise an bearradh droma a thabhairt ar na caoirigh, ach tháinig sé an-fhuar i mbliana. Ba é a chosamhlacht an uair sin faoi Shamhain go dtiubharfadh sé geimhreadh cruadh uaidh. Ach inDomhnach shílfeá nachar tháinig sé cho dona sin fós, mara romhainn amach atá

Deir daoine go gcoinnigheann an bearradh droma siar na caoirigh, ach ní mheasaim féin go gcoinnigheann. Is fad ar a shaoghal é, má tá indán agus go mbíonn geimhreadh cruadh ann. Agus níl aon-gheimhreadh dhá bhfuil ag toidheacht anois nach geimhreadh cruadh é. Feacha an geimhreadh anuiridh …

M'anam a mhuirnín nach bhfuil siad againn, ní ag ceasacht ar Dhia é, le bearradh droma, ná bearradh bradach ná aon-bhearradh eile a thabhairt orra. Cailleadh dhá uascán bhreagha orainn anuiridh le cnuimhe, agus trí cinn an bhliain roimhe sin, agus dubhairt muid linn féin annsin ó thárla nach raibh siad ag eirghe linn nachar bhfiú duinn a bheith dhá (dhár) meath féin leo, agus leig muid uainn ar fad iad

Bhí léine dhá triomú aige ar dhruim na cathaoireach = an slinneán agus an chuid cúil di ar fad

Cuir druim na cathaoireach le doras an drisiúir sin, ó tá an builtín briste. Mara gcuiridh beidh sé in a bhéal in áirde ag cuit ar feadh na h-oíche

Cuir druim na cathaoireach leis an dorus, ó tá Máire bhreagh amuigh. Is beag a bhéarfadh orm an bulta a fháscadh ar fad air, agus cead aice a theacht isteach ar a rogha caoi annsin. Ní dhéanfaí leath an cheart léithe.

Druim an bhuird = uachtar an bhuird; an chuid de bhilleoig an bhuird a mbíonn gréithí, éadach cláir agus eile air

Tá cruit amach uirre as a druim. Is gearr go dtuitidh brúisc di, agus caithfidh sib a leagan ar fad annsin

Hébrí cé'n sórt sníomh a bhíos air leis an sleaghán, ní mhúnluigheann sé druim an fhóid ceart. Tá a shliocht uirre: déanann sí mionús as éadan

Níl sé ar dhruim na talmhan' indiu aon-chneamhaire is corónta ná é

Níl sé ar dhruim na talmhan' indiu aon-pheata is measa ná é sin le araoid ar bith a chur air

Níl a mhac samhail eile ar dhruim na talmhana. Sin í an fhírinne dhuit. An bhfeiceann tú an chluanaidheacht a bhíos air 'chuile lá?

Imigheann sí léithe ins an sruth ar dhruim na fairrge.

D'fheicfeá é mar a bheadh corc ann ag snámh ar dhruim na fairrge

Ní theigheann sé go tóin puill chor ar bith. Cothuigheann sé druím na fairrge.

Tabhair aire dhuit féin thuas annsin Dia aithnighthear. Tá druim na h-aille sin an-tsleamhain, agus is fánach an chaoi a gcuirfí anuas indiaidh do mhullaigh thú

Druim an bhóthair sin thíos an áit a bhfuil an teara tiugh, níl sé in araidheacht ag aon-chapall déanta siubhal air. Tá cuislídheachaí dhe níos measa ná a chéile mar sin féin. Bhí aca colbh a fhágáil gan teara ar bith l'aghaidh lucht capaill

Níl agad le déanamh ach fanacht de dhruim an bhóthair, isteach go maith i leathtaobh. Tá an druim tugtha uaidh ar fad. Mara gcuiridh siad caoi air go goirid, ní bheidh goir ag tada é a shiubhal

Tá fíogach caithte thíos ar dhruim na trágha agus é lobhtha. Bhí sé thoir ins an bhfearsaid, ach d'árduigh buachaill báire eicínt anoir é, agus chaith sé imbéal an tseoil igcasán na ndaoine é, le faitíos nach mbeadh a dhóthain baladh bréan uaidh ins an áit a raibh sé.

Bhí an bheirt sínte síos ar dhruim na trágha agus iad dhá n-ionnfairt féin ins an ngaineamh, agus gan falach orra ach an oiread leis an oíche ar rugadh iad. Shílfeá go mba bheag an dochar dhá leithidí sin náire a bheith orra, ach dheamhan náire muis, ná cuid de náire. Is feasach dóib go maith nach n-aithneochaidh na daoine iad

Bhí taoille an-bheag ann anocht. Ní raibh an lán-mhara aníos thar dhruím na trágha

Gheobhfá clocha thíos indruim na dúirlinne a d'fheilfeadh thar cionn dó sin

Nach diabhlaí an feochan a bhí aréir ann agus gur cuireadh aníos an snáth siúd thar dhruim na dúirlinne, agus ionann agus suas go dtí claidhe na curraighe … Anois céard adeir tú!

Sciorr mé faoi'n gcléibhín ar dhruím na leice agus cuireadh amach ar mo bhéal agus ar m'fhiacla ins an locháinín mé. Níorbh í an tuairt a baineadh asam ba mheasa dhom chor ar bith, ach an scanradh. Tá na leacrachaí siúd an-bhealuighthe

An bhfuil a fhios agad céard a dhéanfainnse dhá mbadh mé thú? Thollfainn druím na leice annseo agus chuirfinn "blast" innte, agus ní bheinn ag sceidínteacht léithe chor ar bith … Beannacht Dé dhuit! Tá sé ro-ghar do'n teach! Nach bhfaca mise dhá gcur amach istigh i seomraí iad le bliain, agus ba bheag an millteanas a rinne siad

An dtomhaisfeá cé'n áit atá leagtha amach aige leis an teach a dhéanamh: thíos ar dhruim na leice siúd ar cholbh an bhóithrín. Ní thiocfaidh aon-deoir faoi go sleibhe ar chaoi ar bith.

Tá sé indáil le in a thuile. Nach bhfeiceann tú an t-uisce faoi dhruím Chloch an Mh. Níl tada di leis, ach go bhfuil lonnadh beag fós ar a barr

Caithfidh tú a dhul suas ar dhruim na carraige ar fad

Tá an teach soir amach ar dhruim an chnuic. Tá a fhios ag an lá gur righte an áit a bhfuil sé. Níl fascadh aige ar aon-tsinneán dhá séidfidh as aer

Céard atá orra má airigheann siad aon-phóilí ag teacht ach féithiú amach druim an chnuic, agus níl aon-ghoir breith orra, mara ndéanadh fear eolais é go díreach

D'fheicfeá an rossamh ag cairthiú anuas ar dhruim agus ar ghualainn an chnuic sin, agus gan deoir as aer annseo. Ach is túisce go mór a ghníos sé báisteach thuas ar an gcnoc, ná anuas annseo ins na h-ísleáin

D'ionnsuigh sé amach druim an chnuic ar maidin agus dheamhan dé a fritheadh air ó shoin, marab í an L. a thug sé air féin. 'Sí, má d'airigh sé aon-éadáil (aon-deoir phoitín) ann

Bhí caoirigh againne muis thuas annsin ar dhruím an chnuic sin i gcaitheamh an tsneachta mhóir, agus dheamhan lá clóic' a bhí orra, nuair a chuadhthas ar a dtóir th'éis na cascairte. Nachar dhiabhaltaí an seasamh aca é!

Tá druim an leabhair uiliog stróicthe. Is deas an chaoi é ar leabhar nuadh, ar íoc mé mo dhá scilling uirre, tá mí ó shoin

Coinnigh druim do chuid cártaí liom. Feicim an aghaidh glaice a bhíos agad i gcomhnaí

Sílimse nach call "blast" ar bith de'n chloich sin. Tá siuntaí innte agus scoiltfeá í le geanntrachaí. Dhá bhféadthá sceabhadh ar bith a bhaint di, d'eireochadh sí de dhruim a chéile. Is furasta 'aithinte uirre é

Tá aoirde crann luinge d'fheamainn thíos annsiúd agus í ag eirghe de dhruím a chéile cheal aonduine a thóigfeadh í. Ba mhór an sciobadh a bhí aca uirre le bliain, dhá gcailleadh féin ag imeacht roimhe lá in a h-éadan, ach tá cead lobhadh aice annsiúd anois, agus gan iad ag féadachtáil freastal di

Bhí mise ag obair i gcoiléar sclátaí i Sasana — i Wales ab áil liom a rádh. Chonnaic mé an oiread sclátaí ann in aon-chnoc amháin agus a chuirfeadh ceann ar a bhfuil de thighthe in Éirinn. Sé a raibh le déanamh gob na piocóide a thabhairt di agus bheadh na sclátaí ag eirghe de dhruim a chéile agad (chugad)

Ní clocha coiléir atá ann ach clocha reatha. D'eireochaidís de dhruim a chéile gan anró ar bith mar d'fheicfeá brioscaí i mbosca. Ba mhór an spóirt lá oibre a dhéanamh ann — gan sórt stró ar bith, ach ag obair leat de réir do láimhe igcomhnaí. Níorbh é sin do'n choiléar thiar é. Dar priacaidhe, chaithfeá a bheith ar do mhine-ghéire annsin i gcomhnaí má b'olc maith leat é. Chaith mé trí seachtainí annsin arú (arbhú) anuiridh, agus ní raibh ionnam ach na cheithre eite nuair a bhí mé réidh leis

Mara bhfuil mearbhall mór ormsa a mhic Uí Ch. sin gaoth atá ag eirghe de dhruim sneachta. Tapuigh an portach agus is cuma dhuit ins an diabhal cé'n chaoi a dtiocfaidh an uair annsin. Ach mara mbeidh an fóidín móna istigh agad le do luirgne a bhreacadh, is fear in an-chaoi thú annsin, deirimse leat

D'aithneochthá ar an ngaoith atá ann in a dheidh sin, gur gaoth í atá ag eirghe de dhruim an tsáile. Tá sí breagh úr agus gan fuacht ar bith innte

Sin braoim ar chuma ar bith a deirigh de dhruim caca. Marach gurb eadh ní fhéadfadh sé a bheith cho bréan agus atá sé. Tá tú tolgtha a dhiabhail, nó d'ith tú rud caillte eicínt. Níl a fhios agam nach ndeachaidh tú ag comórtas le na madraí faoi shean-chapall an tincéara a cailleadh annsin thíos arú (arbhú) indé. Oscluighidh a bhfuil de dhoirse ar an teach nó bréanfaidh sé muid

Bhí muid ag ealadhain thíos tigh J. aréir. Bhí sé ingreim láimhe mar sin ionnam dhá cur anonn agus anall. Pé'r bith cé'n chaoi ar eirigh liom mo láimh a leigean marbh gan aireachtáil, bhuail sé de dhruim mo láimhe féin isteach ar an bpus mé. Marach cho beo agus a leig sé leis féin bheadh scéal aige air, feadh agus mise eirghe aige

Níor mhiste dhuit druim do láimhe a thabhairt do na mná feasta choidhchin, níor mhiste sin. Is fada an lá anois thú ag spochadh leo

Bhuail sé siar, agus níor chomhnuigh sé de dhruim oíche nó go ndeachaidh sé cho fada le U. Á. Bhí sé ann sul ar eirigh aonduine. D'fhan sé timcheall na sráide nó go raibh muintir an tighe ag eirghe. Ba é an chéad bhall é a chonnaic an deirbhshiúr ar an dorus a oscailt di ar maidin

D'imighidís as seo fadó leis an gcontráth, agus bhídís i mB. L. R. de dhruim oíche. Ba mhinic a dhean m'athair é go ndéanaidh Dia trócaire air. Dar príosta ba mhaith buan an giota bóthair é freisin, ach bhí na buinn ar foghnamh ag an dream a bhí ann an uair sin, ní hé sin do'n dream atá ann anois.

Is gránna an saothar atá déanta annseo thíos de dhruim oíche. Ar maidin indiu, fritheadh trí cinn de bhuláin le D. agus na drible bainte dhaobhtha amach ó'n dúid. Anois an bhfuil biseach agad?

An gcreidfeá go liathfadh ceann duine de dhruim oíche — oíche amháin. Chreidfinnse é. Is mór atá imní nó faitíos cráidhte indon a dhéanamh. Tá a chomharaidheacht len a chois. Chonnaic mé é. Chonnaic mé fear a raibh gruaig air cho dubh leis an bhfiach. Chonnaic mé é mar a d'fheicfinn indiu é, agus lá'r na bháireach, ba liathcha é ná aonduine dhá bhfaca mé in mo shaoghal ariamh. Is fíor dhom é. Ba é an teasbánadh is mó dhá bhfuair mise ariamh é. Ní raibh oiread agus an ribe in a chomharaidheacht féin ar maidin. Tá aithne ag cuid agaibhse ar an bhfear cho maith liomsa …

Thug na Black and Tans leo é ins na lorries agus gan falach dhár dhealbh an ghrian air, ach an oiread leis an oíche ar rugadh é, agus níor chomhnuigh siad gur fhága siad ar thráigh an L. Bh. é agus an snáth feamainne in a mhullach. D'fhuagair siad annsin air eirghe agus rith. 'Séard a bhí siad a iarraidh go gcaithfidís é. Ach dheamhan a chos a rithfeadh. Rinne sé a chríonnacht ins an méid sin ar chaoi ar bith. Chroch siad leo aniar aríst é agus thug siad isteach ins an mbearraic é, agus thosuigh siad dhá lascadh le beilteannaí. Níl a fhios cé'n spídeamhlacht a thug siad dó. Tháinic sé amach as an mbearraic sin uair eicínt leis an dearg-mhaidin, agus gan aon-ribe dubh in a cheann de dhruim na h-oíche … Is mór a chonnaic é. Nachar bheag an dochar dó. Ní bheadh tuilleadh beo chor ar bith dhá dteighidís thríd an oiread sin

Chuir sé geall as gaisce go gcodlóchadh sé ins an seomra. Bhí a cheann liath fré chéile ar maidin de dhruim na h-oíche sin, agus bhuail saobhchan é go dlúth in a dhiaidh: i gcruthamhnas duit go gcaithfeadh sé go raibh droch-rud eicínt ins an seomra

Coinnigh daingnighthe air anois, agus ná díol oiread agus ualach amháin leis aiste, mara gceannuighidh sé faoin a druim uait í. Má theigheann tú ag sceidínteacht léithe ní bheidh a leath oiread dhá barr agad agus a bheadh len a díol faoin a druim. Cuileálfaidh sé 'chuile fhód fliuch ag gabhail léithe. Feicfidh tú féin air gur díon déirce leis a fáil amach annseo nuair a bhéas sí gann. Beidh sí thrídh lasadh faoi Fhéil' Bríde seo chugainn

Ab iad a ndíol faoin a ndruim nó a ndíol de réir an chairr a rinne sé lena clocha. Cheapfainn go mbadh samhaoinighe dhó a ndíol de réir an chairr. Is deacair buille faoi thuairim mar is ceart a thabhairt do chlocha mar sin.

Ná bí ag caint ar charr ná ar charr! Ceannuigh an coca mar a fheiceas tú é faoin a dhruim, ná fág do dhiaidh é. Is deas í mo cheird, dhá leagan druim ar ais le carr a thabhairt duitse as, agus a dhéanamh ar ais aríst. Tá mé sáthach meathta mar atá mé agus gan tosuighe ar cheird de'n tsórt sin

Ba mhó go fada a bheadh de bharr an choca agadsa dhá ndíoltá in a charrannaí ar an margadh é, seachas a dhíol faoin a dhruim istigh in t'iothlainn féin. Tá féar in a ór anois, arae tá an farae uiliog ídighthe. Bhí an bhliain an-dona

Faoin a ndruim a dhíoltar na muc uiliog ann. Ach bíonn margadh muc annseo thoir gach Céadaoin, agus de réir an mheadhchain a dhíoltar ann iad. 'Sé an cás céadna é, ar aon-chor. Dheamhan ceo a gheobhas tú orra len a ndíol faoin a ndruim ach an oiread agus dá meaidhtí dhuit iad. Níl aon-bhuille bog ins na ceannachthóirí deirimse leat

Thug sé breith agus dá roghain dom margadh a dhéanamh liom len a díol faoin a druim nó a meadhchan. Facthas dom nach raibh mé ag fáil mo dhóthain dhá shásamh leis an méid a bhí sé a thairiscint dom uirre faoin a druim, agus thug muid isteach ins an "ngeáird" í gur mheadhuigh muid í. Seacht gclocha déag gan a dhath aige ná uaidh a bhí sí ar a cois. Déarfá nach raibh aon-chailleadh uirre ina muic

Thiubharfadh sé sé phunt agus dhá fhichead dom uirre faoin a druim. Níl a fhios agam nach mór an dul amú a bhí orm gan a leigean leis, arae 'sé sin an fáth, dheamhan sé lorry mar atá aige-san atá istigh in a corp, ná baoghal uirre. Dar príosta má thairgeann sé aríst dom é agus é dhá cur coróin nó deich scilleacha eile, beidh sí aige

D'ólfainn bairille pórtair dhá dhruím an puínte seo de ló, tá an oiread sin íota orm ó na faidhtíní sin. Bhí agam fuilint leis idtosach agus gan deoir ar bith a ól. Dhá ndéanainn sin bhí agam. Ach ó ólfas tú deoch ar bith, tá sé cho maith dhuit gan an soitheach a bhaint de do bhéal uaidh sin amach

Chonnaic mé S. B. a bhí annsin thiar ag cur galún pórtair ar a bhéal thoir tigh Dh. Sh. agus dhá ól dhá dhruim. Bhí an-bhruínn aige siúd dó ar aon-chor. Fear cumasach a bhí ann. Bhí druim aige cho leathan le clár an chomhra sin

Seo purgóid anois duit agus caith siar í … Níl maith ar bith dhuit a bheith ag blaismínteacht mar sin di. Ól dhá druim í.

Dhá bhfaighteá "saighead" (feic saighead), bhí agad deoch uisce a ól dhá dhruim shul a n-innseochthá d'aonduine go bhfuair tú í. Bhainfeadh sin an ghaimh aisti

Cuirfidh mé mo rogha geall leat anois nach n-ólfa tú canna bláthaighe dhá dhruim. Sin é é. Níl acmhuinn ag duine mórán bainne a ól chor ar bith, ach d'ólfadh sé an tsáith bhuidhneach (Mhuimhneach?) de phórtar nó de fuisce. Cé'n chiall é sin

Tuilleadh tae annseo! Tá an cupáinín gágach seo ólta dhá dhruim agam. Bheadh agus a trí oiread dhá mbeadh sé ann. Tá mé spalptha leis an tart.

Aire dhuit! Tá sé thuas in éadan an "jug". Ólfaidh sé dhá dhruim é shul a fhéadfas aonduine é a thógáil uaidh. Níl cás ná náire fanta ann … Tá sé ólta aige anois, ach ní raibh ann ach an teirgéis déarfainn. "Jug mór fada agus bainne i bhfad siar," mar adeir an ceann eile

Th'anam ó'n "docks" é ól dhá dhruim é agus ná bí ag fágáil fuighleach ar bith ann. Ní mórán éadála é sin. Tá gasúir na tíre indon an méid sin a chaitheamh siar